پرەزيدەنت ورتالىق ازياعا ورتاق حابار تاراتاتىن تەلەارنا قۇرۋدى ۇسىندى
«اقپارات كەڭىستىگىندە بۇكىل وڭىرگە زيان توندىرەتىن جاعىمسىز قۇبىلىستاردىڭ الدىن الۋ جولىندا كۇش بىرىكتىرگەنىمىز دۇرىس بولار ەدى. بۇل جۇمىستىڭ نەگىزگى ءمانى دوستىعىمىزدىڭ تۇتاستىعىن ساقتاۋ بولۋعا ءتيىس. بىزگە ەتنوسارالىق جانە مەملەكەتارالىق الاۋىزدىقتى ءورشىتۋ ارقىلى قارىم- قاتىناسىمىزعا سىنا قاعۋعا، حالىقتاردى بولەكشەۋگە باعىتتالعان ارەكەتتەردىڭ بارىنە بىرلەسىپ قارسى تۇرۋ كەرەك»، - دەدى قاسىم- جومارت توقايەۆ.
مەملەكەت باسشىسى بۇل پروبلەمانى شەشۋدىڭ جولىن دا اتادى.
«وكىنىشكە قاراي، بۇقارالىق اقپارات قۇرالدارىمىزدا ايماق ەلدەرىنىڭ تىنىس- تىرشىلىگىن كورسەتەتىن اقپاراتتار ءالى كۇنگە دەيىن تاپشى. بۇل تەندەنتسيانى بۇزسا دۇرىس بولادى. بالكىم جالپى وڭىرلىك تەلەارنا نەمەسە جاڭالىق تاراتاتىن ينتەرنەت- سايت قۇرۋ كەرەك شىعار»، - دەدى قازاقستان پرەزيدەنتى.
ايتا كەتەيىك، قىرعىز رەسپۋبليكاسىنىڭ شولپان- اتا قالاسىندا ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋى ءوتىپ جاتىر. جيىنعا قازاقستان، قىرعىزستان، تاجىكستان، تۇرىكمەنستان، وزبەكستان كوشباسشىلارى قاتىسۋدا.
