ق ر پرەزيدەنتى ورتالىق ازيا ەلدەرىنە شەكارا ماڭى ساۋدا- ەكونوميكالىق حابىن قۇرۋدى ۇسىندى
«ەكونوميكالىق الەۋەت پەن ءتيىمدى گەوگرافيالىق ورنالاسۋ باسىمدىعىن تولىققاندى پايدالانۋ ءۇشىن قۇرىلىمدىق جانە ينفراقۇرىلىمدىق شەكتەۋلەردى جويۋ ماقساتىندا تىعىز ءوزارا ءىس- ارەكەتتى جولعا قويۋ ماڭىزدى. ورتالىق ازيا ەلدەرىنىڭ ءبىرىڭعاي تاۋار جونەلتۋ جۇيەسىنىڭ تىرەك نۇكتەسى قىزمەتىن اتقاراتىن، كەلەشەكتە ودان ارى كەڭەيتىلۋ مۇمكىندىگى بار شەكارا ماڭى ساۋدا- ەكونوميكالىق حابىنىڭ جەلىسىن ىسكە قوسۋ ءۇشىن پارمەندى ءىس- شارالار قابىلداۋ ءتيىمدى بولار ەدى»، - دەدى قازاقستان پرەزيدەنتى ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋىندە.
مەملەكەت باسشىسى قازاقستان قىرعىز جانە وزبەك ارىپتەستەرىمەن بۇل باعىتتا ناقتى قادام جاساپ جاتقانىنا نازار اۋداردى.
«اتاپ ايتقاندا، قازاق- وزبەك شەكاراسىندا «ورتالىق ازيا» حالىقارالىق ونەركاسىپتىك كووپەراتسيا ورتالىعى جوباسى، قازاق- قىرعىز شەكاراسىندا يندۋستريالدى ساۋدا- لوگيستيكالىق كەشەنى ىسكە اسىرىلىپ جاتىر. تاجىكستانمەن كوتەرمە- تاراتۋ ورتالىقتارىن قۇرۋ تۋرالى ۋاعدالاستىق بار. ال تۇرىكمەنستانمەن بىرگە استىق تەرمينالىن سالۋدى جوسپارلاپ وتىرمىز. بۇل جوبالار ءبىزدىڭ ءوزارا تاۋار اينالىمى كولەمىن ارتتىرۋ، سونىمەن قاتار ە ا ە و مەن وزگە ەلدەردىڭ نارىقتارىنا ونىمدەردى ەكسپورتقا شىعارۋ ورتاق مۇددەمىزگە جاۋاپ بەرەدى»، - دەدى قاسىم- جومارت توقايەۆ.
«ءداستۇرلى تاسىلدەرمەن قاتار تاۋار ەكسپورتىن ۇلعايتۋدىڭ زاماناۋي جولدارىن دا كەڭىنەن پايدالانۋ قاجەت. اتاپ ايتقاندا، تاياۋداعى جاپپاي شەكتەۋلەر مەن لوكداۋندار ەلەكتروندى كوممەرتسيانى دامىتۋدىڭ ايرىقشا ماڭىزدىلىعىن كورسەتىپ بەردى. ورتالىق ازيا ەلدەرىنىڭ باسەكەلەستىك پوزيتسياسىن ەسكەرە وتىرىپ، قازاقستان باستاپقى كەزەڭدە الداعى ونلاين- كورمەلەردە ونىمدەردى بىرگە ىلگەرىلەۋدى ۇيىمداستىرۋدى ۇسىنادى»، - دەدى قازاقستان پرەزيدەنتى ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋىندە.
ماسەلەن، مەملەكەت باسشىسىنىڭ دەرەگىنشە، Alibaba الاڭىندا وتكەن سوڭعى كورمە بارىسىندا تەك رەسەيدىڭ ءوزى 50 مىڭنان استام تاۋار اتاۋىن ۇسىنعان. «قازاقستان بيىل Alibaba پلاتفورماسىندا ۇلتتىق پاۆيلونىن اشقان 18- ەل بولدى. پاۆيلون 2022 -جىلدىڭ 24- ماۋسىمىندا اشىلدى، پلاتفورمادا بارلىعى شامامەن 130 كومپانيادان 7500 بىرلىك قازاقستاندىق تاۋار ۇسىنىلدى. 2020 -جىلدان بەرگى جيىنتىق ساتىلىم 167 ميلليون دوللاردى قۇرادى. دەگەنمەن، ارينە بۇل تولىقتاي قاناعاتتانارلىق جايت ەمەس، رەزەرۆ بار»، - دەدى قاسىم- جومارت توقايەۆ.
فوتو: t.me/bort_01
اۆتور: ەسىمجان ناقتىباي ءتىلشى
