قازاقستان تۇڭعىش رەت جەڭىل اتلەتيكادان الەم چەمپيوناتىندا «التىن» مەدال الدى

نۇر- سۇلتان قازاقپارات - ورەگوندا (ا ق ش) ءوتىپ جاتقان جەڭىل اتلەتيكادان 2022 -جىلعى الەم چەمپيوناتىندا ايەلدەر اراسىندا 3000 مەترگە كەدەرگىلەرمەن جۇگىرۋ جارىسىنىڭ فينالى ءوتتى، دەپ حابارلايدى قازاقپارات.

جارىستىڭ نەگىزگى فاۆوريتتەرىنىڭ ءبىرى قازاقستان وكىلى نورا دجەرۋتو بولدى. ول بەلگىلەنگەن قاشىقتىقتى 8:53.02 ۋاقىت ارالىعىندا جۇگىرىپ ءوتىپ، جەڭىمپاز اتاندى. بۇل التىن مەدال قازاقستاننىڭ جەڭىل اتلەتيكا تاريحىنداعى ءبىرىنشى «التىنى» بولدى.

ەكىنشى ورىندى ەفيوپيالىق سپورتشى ۆەركۋحا گەتاچيۋ (8:54.61)، ال ءۇشىنشى ورىندى ونىڭ وتانداسى مەكيدەس ابەبە (8:56.08) جەڭىپ الدى. بۇعان دەيىن بىلىكتىلىك جارىسىندا دا دجەرۋتو 9:01.54 ۋاقىتىمەن ۇزدىك ناتيجە كورسەتكەن بولاتىن.

ەسكە سالا كەتەيىك، كەنيانىڭ تۋماسى نورا دجەرۋتو قازاقستانعا 2017 -جىلى قونىس اۋدارىپ، 2022 -جىلى الەم چەمپيوناتىندا ەل نامىسىن قورعاۋعا رەسمي رۇقسات العان ەدى.

اۆتور: اياۋلىم التىنبەك