09:56, 21 - شىلدە 2022 | GMT +5
رەسەي ۋكرايناداعى اسكەري ءىس- قيمىل گەوگرافياسىن وزگەرتتى
نۇر- سۇلتان. قازاقپارات – رەسەيدىڭ ۋكرايناداعى اسكەري ءىس- قيمىلدارىنىڭ «گەوگرافيالىق ماقساتى» وزگەردى، دەپ حابارلايدى «حابار 24».
بۇل تۋرالى جەرگىلىكتى اقپارات اگەنتتىكتەرىنە بەرگەن سۇحباتىندا ەلدىڭ سىرتقى ىستەر ءمينيسترى جاريا ەتتى.
سەرگەي لاۆروۆتىڭ ايتۋىنشا، كرەمل قارۋلى قاقتىعىس باستالعاندا ءوزىن- ءوزى جاريالاعان دونەتسك جانە لۋگانسك حالىق رەسپۋبليكالارىنا عانا كومەكتەسۋدى كوزدەگەن. الايدا ەندى بۇل وزگە وڭىرلەرگە دە قاتىستى. لاۆروۆ ەگەر باتىس ەلدەرى ۋكرايناعا الىسقا اتاتىن قارۋ جەتكىزەتىن بولسا، رەسەيدىڭ «گەوگرافيالىق ماقساتى» ودان ءارى كەڭەيۋى مۇمكىن ەكەنىن ەسكەرتتى.
سەرگەي لاۆروۆ، رەسەي سىرتقى ىستەر ءمينيسترى:
- قازىر گەوگرافيا وزگەردى. ەندى وعان ءوزىن- ءوزى جاريالاعان دونەتسك جانە لۋگانسك حالىق رەسپۋبليكالارى عانا ەمەس، حەرسون، زاپوروجە وبلىستارى جانە باسقا دا وڭىرلەر كىرەدى جانە بۇل پروتسەسس ءالى جالعاسىپ جاتىر.
