11:03, 21 - شىلدە 2022 | GMT +5
قىتايدا ەر ادامنان بۋبون وباسى انىقتالدى
نۇر- سۇلتان. قازاقپارات - قىتايدا ادامنىڭ بۋبون وباسىن جۇقتىرۋ دەرەگى تىركەلدى، دەپ حابارلايدى «حابار 24».
ناۋقاس ەلدىڭ سولتۇستىك- باتىسىنداعى ينچۋان قالاسىنىڭ تۇرعىنى. ول جۋىردا ىشكى موڭعوليا اۆتونومدىق اۋدانىنا بارىپ قايتقان ەكەن. وتكەن اپتادا ەر ادام ەسىنەن تانىپ، دەنەسى قالتىراپ، دەنساۋلىق جاعداي ناشارلاپ كەتكەن. قازىر وڭىردە ەپيدەميولوگيالىق قاۋىپكە ارەكەت ەتۋدىڭ ءتورتىنشى دەڭگەيى جاريالاندى.
ايتا كەتكەن ءجون، بۋبون وباسى - جۇقپالى اۋرۋ. ءولىم كورسەتكىشى جوعارى. ونى كەمىرگىشتەردىڭ ۇستىندە بولاتىن بۇرگەلەر تاراتادى. اۋرۋ بەلگىلەرىنە دەنە قىزۋىنىڭ كوتەرىلۋى، بورتپە، ليمفا بەزدەرىنىنىڭ ءىسىنۋى جاتادى.
فوتو: 24.kz
