قازاقستان مەكتەپتەرىندە شاحمات مىندەتتى پانگە اينالاۋى مۇمكىن

الماتى. قازاقپارات - قازاقستان شاحمات فەدەراتسياسىنىڭ ۆيتسە- پرەزيدەنتى دارمەن ءسادۋاقاسوۆ فەدەراتسيانىڭ جوسپارلارىمەن ءبولىستى، دەپ حابارلايدى قازاقپارات ءتىلشىسى.

«فەدەراتسيانىڭ ماقساتى - شاحماتتى كەڭىنەن ناسيحاتتاۋ ارقىلى ينتەللەكتۋالدى ۇلت قالىپتاستىرۋ. تەڭ مۇمكىندىكتەردى قۇرۋ. ءبىزدىڭ ەكى امبيتسيامىز بار. ءبىرىنشىسى - شاحماتتى مەكتەپ باعدارلاماسىنا مىندەتتى ءپان رەتىندە ەنگىزۋ بولسا، ەكىنشىسى - ءبىزدىڭ ەرلەر، ايەلدەر جانە بالالار كوماندالارى الەمنىڭ ۇزدىك وندىعىنا تۇراقتى تۇردە ەنۋى»، - دەدى دارمەن ءسادۋاقاسوۆ جۋرناليستەرمەن كەزدەسۋىندە.

ونىڭ ايتۋىنشا، 2023 -جىلدان باستاپ قازاقستاننىڭ كەيبىر مەكتەپتەرىندە شاحمات جاڭا فاكۋلتاتيۆ ءپان رەتىندە وقىتىلادى.

«فەدەراتسيا دايىندىق جۇمىستارىن جۇرگىزەدى. اڭگىمە ورىس جانە قازاق تىلىندەگى وقۋلىقتار مەن وقۋ- ادىستەمەلىك كەشەندەردى دايىنداۋ تۋرالى بولىپ وتىر. مۇنداي اۋقىمدى جوسپاردى جۇزەگە اسىرۋ ءۇشىن ۇستازداردى دايىنداۋ قاجەت. ول ءۇشىن ەلىمىزدەگى پەداگوگيكالىق جوعارى وقۋ ورىندارى ارنايى كافەدرالار اشۋدى كوزدەپ وتىر»، - دەدى ول.

فەدەراتسيا 2027 -جىلعا قاراي شاحمات قازاقستاننىڭ بارلىق ايماعىندا مىندەتتى پانگە اينالادى دەپ جوسپارلاپ وتىر.

«شاحمات كوپ نارسەنى ۇيرەتەدى جانە ءادىل باسەكەلەستىك پەن مەريتوكراتيا قاعيداتتارىن سىڭىرەدى. بۇگىندە ەلىمىزدە 50 مىڭنان استام بالا شاحمات وينايدى»، - دەپ قوستى ءسادۋاقاسوۆ.

اۆتور: الما مۇقانوۆا