ەلوردادا پرەزيدەنت كۋبوگىنىڭ شيرەك فينالىنا شىققان تەننيسشىلەر انىقتالدى
قازاقستان تەننيس فەدەراتسياسىنان ءمالىم ەتكەنىندەي، اقتاۋدان تۇلەپ ۇشقان ب. جۋكايەۆ ەكىنشى اينالىمدا يزرايل وكىلى دانيەل تسۋكەرماندى 6:4، 5:7، 7:6 (7:4) ەسەبىمەن تىزە بۇكتىردى.
ءۇشىنشى، شەشۋشى سەتتە بەيبىت تاي-برەيكتە 0:4 ەسەبىمەن ۇتىلىپ جاتىپ، جەڭىسكە دەگەن جىگەرىن تانىتا ءبىلدى.
ب. جۋكايەۆ جارتىلاي فينالعا شىعۋ ءۇشىن الەمنىڭ بۇرىنعى 33-راكەتكاسى، وزبەكستاندىق دەنيس يستومينمەن تالاسادى.
الماتى تەننيس مەكتەبىنىڭ تۇلەگى د. ەۆسەيەۆ تارتىستى ماتچتا جارىستىڭ 6-راكەتكاسى، رەسەيلىك ەۆگەني كارلوۆسكيدى جولدان تايدىردى - 3:6، 6:2، 6:4.
د. ەۆسەيەۆ شيرەك فينالدا برازيليالىق گابريەل دەكامپسپەن شەبەرلىك بايقاسادى.
ول قازاقستاندىق ميحايل كۋكۋشكيندى ۇتىپ كەتتى.
ايەلدەر اراسىندا ITF World Tennis Tour W60 دوداسىندا جىبەك قۇلامبايەۆا باستاپقى كەزدەسۋىن يزرايلدىق شاۆيت كيمچيمەن ءساتتى وتكىزدى - 6:1، 1:6، 6:3.
جىبەكتىڭ كەلەسى قارسىلاسى – وڭتۇستىك كورەيالىق نا لي حان.
ەسكە سالا كەتەيىك، بۇدان بۇرىن يۋليا پۋتينتسيەۆانىڭ پالەرمو تۋرنيرىن ءساتتى باستاعانىن جازعان بولاتىنبىز.
