21:43, 20 - شىلدە 2022 | GMT +5
الماتىدا پىشاق جاراقاتىنان زارداپ شەككەن ايەلدەردىڭ جاعدايى بەلگىلى بولدى
الماتى. قازاقپارات - الماتىدا ەر ادام پىشاقتاعان ايەلدەر مەديتسينالىق جەدەل جاردەم بريگاداسىمەن قالالىق 7№ كلينيكالىق اۋرۋحاناعا جەتكىزىلدى، دەپ حابارلايدى قازاقپارات ءتىلشىسى.
«23 جاستاعى س. ەسىمدى ەمدەلۋشى اۋرۋحاناعا كەۋدە قۋىسى مەن ءىش قۋىسىنا ەنىپ كەتكەن كوپتەگەن شانشىپ-كەسۋ جاراقاتىمەن اۋرۋحاناعا جاتقىزىلدى. ول شۇعىل تۇردە رەانيماتسيا بولىمىنە جەتكىزىلدى. جاعدايى تۇراقتى اۋىر. 52 جاستاعى ح. ەسىمدى ەمدەلۋشى جاعدايى بويىنشا حيرۋرگيا بولىمىنە جاتقىزىلدى. بۇگىندە دەنساۋلىعى ورتاشا اۋىرلىقتا، ناشارلاۋسىز ديناميكادا. قاجەتتى ستاتسيونارلىق ەم قابىلداپ جاتىر»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىندا.
ەسكە سالايىق، الماتىدا ەر ادام كوشەدە ەكى ايەلدى پىشاقتاپ تاستاعان ەدى.
