شاحمات تاقىرىبىنداعى تاماشا فيلمدەر
1. پاتاشالار ويىنى (Royal Game) 2021 ج
ۆەنا، 1938-جىلى ادۆوكات يوزەف بارتوك ايەلىمەن بىرگە ناتسيستەر باسىپ العان اۆستريادان كەتپەكشى بولعاندا ونى گەستاپو تۇتقىندايدى. بارتوكتان كليەنتتەر تۋرالى قۇپيا اقپاراتتى بەرۋ تالاپ ەتىلەدى، ال باس تارتقاننان كەيىن جالعىز ادامدىق كامەراعا جابىلىپ، سىرتقى الەمنەن قول ۇزەدى. ءبىراق ءبىر كۇنى دجوزەف تۇرمەدەگىلەردەن شاحمات تۋرالى كىتاپتى ۇرلاپ الادى. وزىمەن-ءوزى شاحمات ويناپ، بۇل ويىننىڭ سىرىنا قانىعادى. كەيىن الەم چەمپيونىمەن شاحمات ونايدى.
2. پەشكانى قۇربان ەتۋ (Pawn Sacrifice) 2015 ج
رەجيسسەر ەدۆارد تسۆيكتىڭ امەريكالىق اۆتوبيگرافيالىق فيلمى. فيلم 1972-جىلى رەيكياۆيكتە شاحماتتان الەم چەمپيوناتىندا قىرعي-قاباق سوعىستىڭ قىزعان شاعىندا بوريس سپاسسكيدى جەڭگەن امەريكالىق گروسسمەيستەر بوببي فيشەر تۋرالى. 2014-جىلدىڭ قىركۇيەگىندە ول تورونتو كينوفەستيۆالىندە كورسەتىلدى. باستى رولدە توبي ماگۋاير سومدايدى.
3. كاتۆە پاتشايىمى (Queen of Katwe) 2016 ج
كاتۆە پاتشايىمى - امەريكالىق اۆتوبيوگرافيالىق فيلم. رەجيسسەرى - ميرا ناير، سەناري اۆتورى - ۋيليام ۋيلەر. فيلم ۋگاندا استاناسى كامپالاداعى كەدەيلەر قونىسى - كاتۆادا تۇراتىن فيونا مۋتەسي ەسىمدى قىزدىڭ ءومىرىن باياندايدى. ول تەگىن تاماق بەرەتىن جەرگە كەلىپ جۇرەدى. بۇل جەردە شاحمات ۇيىرمەسى بولادى. ول شاحمات ۇيرەنىپ جەرگىلىكتى تۋرنيرلەردە تابىسقا جەتكەننەن كەيىن حالىقارالىق دەڭگەيگە شىعادى.
4. «بوببي فيشەردى ىزدەۋ» (Searching For Bobby Fischer) 1993 ج
«بوببي فيشەردى ىزدەۋ» فيلمى ا ق ش مەكتەپتەرىندە شاحماتتىڭ تانىمالدىلىعىن تۋدىردى. بۇل فيلم فرەد ۋايتتسكيننىڭ ۇلى دجوشۋا ۋايتتسكيننىڭ شاحمات الەمىنە جاساعان ساپارىن ەگجەي-تەگجەيلى باياندايتىن «بوببي فيشەردى ىزدەۋ» كىتابىنا نەگىزدەلگەن. دجوش شاحماتتان حالىقارالىق شەبەراتانادى، ءبىراق جەكپە-جەك ونەرىمەن اينالىسۋ ءۇشىن شاحماتتان باس تارتتى.
5. جەتىنشى ءمور ( ش ۆ. Det Sjunde Inseglet ) 1957 ج
جەتىنشى مور - شۆەد رەجيسسەرى ينگمار بەرگماننىڭ فيلوسوفيالىق استارلى اڭگىمە جانرىنداعى اق- قارا ءتۇستى اۆتورلىق فيلمى. ول رەجيسسەردىڭ «اعاش كەسكىندەمە» ءبىر اكتىلى پەساسى بويىنشا تۇسىرىلگەن. فيلم ءدىني سيمۆوليزمگە تولى جانە بولمىستىڭ تابيعاتى مەن ادامنىڭ الەمدەگى ورنى تۋرالى، ءومىر مەن قۇدايدىڭ ءمانىن ىزدەۋ تۋرالى اڭگىمەلەيدى.
فيلم الەمدىك كينەماتوگرافيانىڭ كلاسسيگى بولىپ سانالادى، سونىمەن قاتار بارلىق ۋاقىتتاعى ەڭ ۇلى فيلمدەردىڭ ءبىرى. وسى كينوكارتينانىڭ ارقاسىندا بەرگمان الەمگە ايگىلى رەجيسسەر بولدى.
