كوميتەت ءتوراعاسىنىڭ ورىنباسارىن تارتىپتىك جاۋاپكەرشىلىككە تارتۋدى ۇسىندى
ادەپ جونىندەگى كوميسسيامەن تارتىپتىك ءىستى قاراۋ قورىتىندىسى بويىنشا لاۋازىمدى تۇلعانى «قىزمەتكە تولىق سايكەس ەمەستىگى تۋرالى ەسكەرتۋ» تۇرىندەگى تارتىپتىك جاۋاپكەرشىلىككە تارتۋ ۇسىنىلدى.
سونداي-اق كوميسسيا وتىرىسىندا دەنساۋلىق ساقتاۋ مينيسترلىگىنىڭ تارتىپتىك كوميسسياسى مەن يندۋستريا جانە ينفراقۇرىلىمدىق دامۋ مينيسترلىگىنىڭ ادەپ جونىندەگى ۋاكىلى قىزمەتىنىڭ قورىتىندىلارى تىڭدالدى.
وتىرىس سوڭىندا كوميسسيا مۇشەلەرى مينيسترلىك باسشىلىعىنا مەملەكەتتىك قىزمەتشىلەر اراسىندا ءتۇسىندىرۋ جانە الدىن الۋ جۇمىستارىن كۇشەيتۋدى، تارتىپتىك جاۋاپكەرشىلىكتى قاراۋ كەزىندە زاڭدىلىقتى جانە مەملەكەتتىك قىزمەتشىلەردىڭ قۇقىقتارىن ساقتاۋدى قامتاماسىز ەتۋ بويىنشا ۇسىنىمدار ازىرلەدى.
ەسكە سالا كەتەيىك، ادەپ جونىندەگى كوميسسيا - اگەنتتىكتىڭ تارتىپتىك ىستەردى قاراۋدى جانە اكىمشىلىك مەملەكەتتىك قىزمەتشىلەردى تارتىپتىك جاۋاپكەرشىلىككە تارتۋ جونىندە ۇسىنىستار ازىرلەۋدى، سونداي-اق قىزمەتتىك ادەپ نورمالارىنىڭ تالاپتارىن بۇزۋدىڭ الدىن الۋعا باعىتتالعان شارالاردى ازىرلەۋدى جۇزەگە اسىراتىن القالى ورگان.
