الماتى حالىقارالىق اۋەجايى جاڭا تەرمينالىنىڭ ەسكيزى جاريالاندى
قوعامدىق تالقىلاۋعا الماتى قالاسى قوعامدىق كەڭەس مۇشەلەرى، ساۋلەت جانە تابيعاتتى قورعاۋ ۇيىمدارى، قۇرىلىس، اۋە كومپانيالارىنىڭ وكىلدەرى، كاسىپكەرلەر، سونىمەن قاتار قالا تۇرعىندارى قاتىستى. 2021 -جىلدىڭ مامىر ايىندا الماتى اۋەجايىن ساتىپ العان TAV Airports كومپانياسى حالىقارالىق جولاۋشىلار تەرمينالىنىڭ جاڭا عيماراتىن سالۋدى جوسپارلاپ وتىر. جاڭا تەرمينال سالىنعاننان كەيىن اۋەجايدا جىلىنا 14 ميلليون جولاۋشىعا دەيىن قىزمەت كورسەتىلەتىن بولادى، ياعني ەكى ەسەگە ارتادى.
«تالقىلاۋ بارىسىندا قوعام وكىلدەرىنىڭ ءتۇرلى پىكىرى تىڭدالدى، ولاردىڭ الماتى اۋەجايىنىڭ جاڭا حالىقارالىق جولاۋشىلار تەرمينالىنىڭ تۇجىرىمدامالىق ديزاينى تۋرالى ويلارى سوڭعى شەشىمدى قابىلداۋ كەزىندە ەسكەرىلەدى»، - دەپ حابارلادى اۋەجايدىڭ باسپا ءسوز قىزمەتى.
بۇعان دەيىن «الماتى حالىقارالىق اۋەجايى» ا ق پرەزيدەنتى ەرسوي الپ ەر تۋنگا اۋەجايدىڭ جاڭا تەرمينالى قولدانىسقا 2024 -جىلى بەرىلەتىنىن ايتقان بولاتىن. ايتا كەتەيىك، مەملەكەت باسشىسى قاسىم- جومارت توقايەۆ الماتى قالاسىنا جاساعان جۇمىس ساپارى بارىسىندا وڭتۇستىك استانا اۋەجايىنىڭ جاڭا حالىقارالىق تەرمينالى قۇرىلىسىنا رۇقسات بەرگەن ەدى.
