د د ۇ وكىلى كوروناۆيرۋستىڭ جاڭا تولقىنى تۋرالى ەسكەرتتى
ول ەۋروپا ەلدەرىن ۆاكسيناتسيا مەن بەتپەردە تاعۋعا قاتىستى جەدەل شارالار قابىلداۋعا شاقىردى، دەپ حابارلايدى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياعا سىلتەمە جاساپ.
ونىڭ ايتۋىنشا، سوڭعى التى اپتادا ەۋروپا وڭىرىندە كوروناۆيرۋس ينفەكسياسىن جۇقتىرۋدىڭ جاڭا جاعدايلارىنىڭ سانى ءۇش ەسە ءوستى، ال وتكەن اپتادا 3 ميلليونعا جۋىق جاڭا جاعداي تىركەلدى، بۇل الەمدەگى بارلىق جاڭا ينفەكتسيالاردىڭ جارتىسىنا جۋىعىن قۇرايدى. كليۋگە سۋىق اۋا رايى جاقىنداعان سايىن COVID قارقىندى تارالاتىندىعىنا دا الاڭداۋشىلىق ءبىلدىردى.
«بۇگىن د د ۇ- نىڭ ەۋروپالىق ايماقتىق بيۋروسى ينفەكسيانىڭ الداعى تولقىندارىنا دايىندالۋعا كومەكتەسۋ ءۇشىن كوروناۆيرۋس جانە باسقا دا تىنىس الۋ ۆيرۋستارىمەن كۇرەسۋدىڭ كۇزگى- قىسقى ستراتەگياسىن جاريالادى. ارەكەت ەتۋ ءۇشىن كۇزدىڭ كەلۋىن كۇتسەك، تىم كەش بولادى»، - دەدى بيۋرو ديرەكتورى.
ستراتەگيا، اتاپ ايتقاندا، حالىقتى ۆاكسيناتسيامەن قامتۋدى ۇلعايتۋدى، ءۇي- جايلاردا جانە قوعامدىق كولىكتە بەتپەردە تاعۋعا ىنتالاندىرۋدى، جابىق ءۇي- جايلاردىڭ جەلدەتىلۋىن كۇشەيتۋدى كوزدەيدى.
