قايرات قۇدايبەرگەن الماتى قالالىق ءماسليحاتىنىڭ قۇرامىنان شىعارىلدى

الماتى. قازاقپارات - الماتى قالاسى ءماسليحاتىنىڭ قۇرامىندا وزگەرىستەر بولدى، دەپ حابارلايدى قازاقپارات ءتىلشىسى.

ءماسليحاتتىڭ باسپا ءسوز قىزمەتىنىڭ مالىمەتىنشە، بۇگىن كەزەكتەن تىس XXIII سەسسيا ءوتتى. سەسسيا بارىسىندا الماتى قالاسى اۋماقتىق سايلاۋ كوميسسياسىنىڭ قاۋلىسى جانە «AMANAT» پەن «قازاقستان حالىق پارتياسى» پارتيالارى فيليالدارىنىڭ شەشىمدەرى نەگىزىندە جانە بەرىلگەن وتىنىشتەرگە سايكەس 11 دەپۋتاتتى الماستىرۋ (روتاتسيا) جۇرگىزىلدى. كەلەسى دەپۋتاتتارعا جاڭا مانداتتار بەرىلدى:

1) ماتىجانوۆ كەنجەحان ءىسلامجان ۇلى - م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، «AMANAT» پارتياسىنىڭ مۇشەسى.

2) تايتولەيەۆ تولەۋعالي مۇحامەدجان ۇلى - الماتى ەنەرگەتيكا جانە ەلەكتروندىق تەحنولوگيالار كوللەدجىنىڭ ديرەكتورى، الماتى قالاسى قوعامدىق كەڭەسىنىڭ مۇشەسى، «AMANAT» پارتياسىنىڭ مۇشەسى.

3) جانداي سانا شايحان قىزى - «ADANAZ» ج ش س ديرەكتورى، «AMANAT» پارتياسىنىڭ مۇشەسى.

4) جۇمابايەۆ باقىتبەك ءاشىم ۇلى - «جان- م» ج ش س باس ديرەكتورى، قازاقستاننىڭ كوگالداعى حوككەي فەدەراتسياسىنىڭ ۆيتسە- پرەزيدەنتى، «AMANAT» پارتياسىنىڭ مۇشەسى.

5) قاراعۇلوۆ ەرۇلان سەرىك ۇلى - «الماتى سەرۆيستىك قىزمەت كورسەتۋ كوللەدجى» ك م ق ك ديرەكتورى، «AMANAT» پارتياسىنىڭ مۇشەسى.

6) كوتەنيەۆ ارتۋر ەدۋاردوۆيچ - «AlmatyEngineering» ج ش س ديرەكتورى، «AMANAT» پارتياسىنىڭ مۇشەسى.

7) شاموۆا ارايلىم ءماتجان قىزى - «№201 مەكتەپ- گيمنازيا» ك م م ديرەكتورى، «AMANAT» پارتياسىنىڭ مۇشەسى.

8) ەرلان ديانا ەرلان قىزى - الماتى قالاسى قوعامدىق كەڭەسىنىڭ، وتباسى، ايەلدەر ىستەرى جانە بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەستىڭ مۇشەسى، «AMANAT» پارتياسىنىڭ مۇشەسى.

9) رامازان بەكبول باتىرجان ۇلى - ل. ب. گونچاروۆ اتىنداعى قازاق اۆتوموبيل جول اكادەمياسىنىڭ پرورەكتورى، الماتى قالاسى قوعامدىق كەڭەسىنىڭ مۇشەسى، «AMANAT» پارتياسىنىڭ مۇشەسى.

10) سۇلتانعاليەۆ تامەرلان مەلس ۇلى - «قازاقستان حالىق پارتياسى» الماتى قالالىق فيليالىنىڭ ءتوراعاسى، «قازاقستان حالىق پارتياسى» پارتياسىنىڭ مۇشەسى.

11) مۇحامەدعاليەۆ تالعات ابلاي ۇلى - «تۇتىنۋشىلار مەن كاسىپكەرلەردىڭ قۇقىقتارىن قورعاۋ وداعى» رقب الماتى فيليالىنىڭ باسشىسى، «قازاقستان حالىق پارتياسى» پارتياسىنىڭ مۇشەسى. مانداتتاردى قايتا ءبولۋ جانە بەرىلگەن وتىنىشتەرگە سايكەس م. ا. ءادىلحانوۆتى، ل. ە. يبراگيموۆانى، ە. ز. تالبيدينوۆتى، ق. ق. سارسەنبايدى، ا. ا. جۇدەبايەۆتى، م. م. زۋلەيەۆتى، ر. چ. بولەكبايەۆانى، ءا. قۇرمانبەكتى پارتيالىق رەزەرۆكە قوسۋ ەسەبىنەن بولدى.

سونداي- اق پارتيالار تاراپىنان ءوز قۇرامىنان كەلەسى مۇشەلەر شىعارىلدى:

ق. ق. قۇدايبەرگەن «AMANAT» پارتياسىنان، ا. ب. ابىلقاسىموۆا قازاقستان حالىق پارتياسىنان جانە ا. ت. شاپەنوۆ قازاقستان حالىق پارتياسىنان (ءوز قالاۋى بويىنشا). «AMANAT» پارتياسىنىڭ قالالىق فيليالىنىڭ پارتيالىق رەزەرۆىندە 50 گە جۋىق ادام، قازاقستان حالىق پارتياسى قالالىق فيليالىنىڭ پارتيالىق تىزىمىندە 10 نان استام پارتيا مۇشەسى بار.

«ساپالىق قۇرامى بويىنشا عىلىم مەن ءبىلىم سالاسى وكىلدەرىنىڭ سانى ەكى ەسە ءوسىپ، %20 قۇرادى، ب ا ق جانە ۇ ە ۇ -%21 دەيىن ءوستى. سونىمەن قاتار، ءماسليحاتتىڭ جاڭا دەپۋتاتتارى اراسىندا ەكى كوپ بالالى انا بار. پارتيالىق تىزىمدەر بويىنشا سايلاۋ جۇيەسى الماستىرۋدى كوزدەيدى. بۇل پروتسەدۋرا الەمنىڭ دامىعان ەلدەرىندە ءىس جۇزىندە كەڭىنەن قولدانىلادى جانە مەريتوكراتيا مەن پارتياىشىلىك بىرلىك قاعيداتتارىن ىسكە اسىرۋدىڭ جارقىن مىسالى بولىپ تابىلادى. وسى پرينتسيپتەر پارتيالاردىڭ رەزەرۆتىك تىزىمدەرىندەگى باسقا مۇشەلەرىنە وزدەرىن جۇزەگە اسىرۋعا مۇمكىندىك بەرەدى»، - دەپ حابارلادى ءماسليحاتتا.