دەنيس تەننىڭ سەناريى بويىنشا تۇسىرىلگەن فيلم قازاقستان مەن وڭتۇستىك كورەيادا كورسەتىلەدى
فيلمنىڭ باس پروديۋسەرى تيمۋر بەكمامبەتوۆ پەن سپورتشىنىڭ اناسى وكسانا تەن، دەپ حابارلايدى قازاقپارات ءتىلشىسى. سيۋجەت بويىنشا، قىز بەن جىگىت الەۋمەتتىك جەلىدە تانىسىپ، ءبىر- بىرىنە عاشىق بولىپ قالادى. كەيىن قىزدىڭ كەرەڭ- مىلقاۋ، ال جىگىتتىڭ كوزى كورمەيتىنى انىقتالادى. فيلمدە الەۋمەتتىك جەلى كەز كەلگەن توسقاۋىلدى جويىپ، شىنايى ماحابباتقا جول بەرەتىنى كورسەتىلگەن.
دەنيس تەن ستسەناريدى 2018 -جىلى تيمۋر بەكمامبەتوۆتىڭ كينوكومپانياسى اتىنان Screenlife Contest بايقاۋىنا قاتىسۋ ءۇشىن جازعان. ءوتىنىشىن جاسىرىن جولداپ، فيناليستەر قاتارىنان كورىندى.
«مەن دەنيسكە پيتچينگكە قاتىسۋ يدەياسى تۋرالى ايتتىم. سوسىن ول جاسىرىن تۇردە ءوتىنىش بەردى. بايقاۋعا الەمنىڭ تۇكپىر- تۇكپىرىنەن 250 دەن استام ءوتىنىم تۇسكەن. ناتيجەسىندە ماسكەۋدە وتكەن حالىقارالىق بايقاۋدا دەنيس جەڭىمپاز اتاندى. ءبىز ءتۇسىرىلىمدى لوس- اندجەلەستەن باستاۋدى جوسپارلاپ قويعان ەدىك. بۇل قايعىلى وقيعادان ءبىر اي بۇرىن بولعان ەدى. كەيىن دەنيستىڭ اناسىمەن بىرگە بۇل ءفيلمدى ءتۇسىرۋ كەرەك دەپ شەشتىك»، - دەيدى دەنيستىڭ دوسى، اتقارۋشى پروديۋسەر يگور ساي.
ءتۇسىرىلىم 2019 -جىلدىڭ باسىندا باستالىپ، ءۇش ايعا سوزىلدى. رەجيسسەر ۆەنەتسيا كينوفەستيۆالىنىڭ جەڭىمپازى چاك چە بولدى. حالىقارالىق فيلمدى تۇسىرۋگە قازاقستاندىق ماماندار دا بەلسەنە اتسالىستى. يگور تسايدىڭ ايتۋىنشا، فيلم ەل نازارىنا 28-شىلدەدەن باستاپ جول تارتپاق. سونىمەن قاتار كۇزدە وڭتۇستىك كورەيادا پروكاتقا شىعادى.
ايتا كەتەيىك، كينو تۋىندىنىڭ سەناريسى دەنيس تەن وسىدان 4 جىل بۇرىن 25 جاسىندا پىشاق جاراقاتىنان قازا بولعان ەدى. ەسكە سالايىق، مانەرلەپ سىرعاناۋشى دەنيس تەن 2014 -جىلى سوچيدە وتكەن وليمپيادا ويىندارىنىڭ قولا جۇلدەگەرى اتانعان بولاتىن.
