ەلوردالىقتار تەك قانداي ۆاكسينانى عانا سالدىرا الاتىنى بەلگىلى بولدى
نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسىشسى تيمۋر مۇراتوۆتىڭ ايتۋىنشا، بۇل مولشەر ۆاكسينالاۋ مەن رەۆاكسينالاۋعا جاتاتىن كونتينگەنتتى تولىق قامتۋعا جەتكىلىكتى، دەپ حابارلايدى قازاقپارات ءتىلشىسى.
«قازىرگى تاڭدا ۆاكسيناتسيا مەن رەۆاكسيناتسياعا ءبىر عانا ۆاكسينا بار - قىتايلىق ءوندىرۋشىنىڭ Sinopharm ۆاكسيانسى. سانى جەتكىلىكتى. بۇگىنگى تاڭدا 214 مىڭ دوزاسى بار. بۇل جەتكىلىكتى مولشەر»، - دەدى باسقارما باسشىسى.
ايتۋىنشا، قالا اۋماعىندا تولىق ۇجىمدىق يممۋنيتەتتى قالىپتاستىرۋ ءۇشىن 600 مىڭنان استام ادامدى ۆاكسيناتسيالاۋ جوسپارلانعان بولاتىن.
«قالا بويىنشا ەمحانالاردا 34 ەگۋ كابينەتى جۇمىس ىستەيدى. ريەۆاكسيناتسياعا كەلەر بولساق، 20 شىلدەدەگى مالىمەت بويىنشا 151 مىڭعا جۋىق ادام باستاپقى كومپونەنتتى الدى، 6 مىڭنان استام ادام تولىق ريەۆاكسيناتسيادان ءوتتى. رەۆاكسيناتسيادان قايتا ءوتۋ كۋرسىن 61 مىڭنان استام ادام الدى. بۇگىنگى تاڭدا بالا ەمىزەتىن جانە جۇكتى ايەل ادامدار مەن جاسوسپىرىمدەر اراسىندا ۆاكسيناتسيالاۋ ايتارلىقتاي جاقسارعان. اتالمىش ساناتتاعى 40 مىڭنان استام ادام ۆاكسينا الدى. بارلىعى 2 مىڭنان استام جۇكتى ايەل، 31 مىڭداي جاس ءوسپىرىم جانە 7 مىڭنان استام بالا ەمىزەتىن ايەل تولىق يممۋنداۋدان ءوتتى. ەندى شامامەن 800 ادام 2 كومپونەنتپەن قامتىلماق. وسى باعىتتا ەمحانالاردىڭ جۇمىسى ودان ءارى جالعاسۋدا»، - دەدى تيمۋر مۇراتوۆ.
سونداي-اق، ول ەلورداداعى ستاتسيونارلىق توسەكتەردىڭ %41 ى بوس ەمەس ەكەنىن ءمالىم ەتتى. ونىڭ سوزىنە قاراعاندا، نۇر-سۇلتانداعى ەپيدەميولوگيالىق احۋال «سارى» ايماققا جاقىنداپ كەلەدى.
