كوروناۆيرۋس جۇقتىرعاندارمەن تىعىز بايلانىستا بولعاندار نە ىستەۋى كەرەك ەكەنى ايتىلدى
نۇر-سۇلتان قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى سارحات بەيسەنوۆا قالا اكىمدىگى وتكىزگەن ونلاين بريفينگىدە قالا اۋماعىندا وسىنداي ءتارتىپ بار ەكەنىن ەسكە سالدى، دەپ حابارلايدى قازاقپارات ءتىلشىسى.
«ماۋسىم ايىندا ك ۆ ي- مەن اۋىرعان ناۋقاستاردان الىنعان 30 وڭ سىناماعا مولەكۋليارلىق- گەنەتيكالىق زەرتتەۋ جۇرگىزىلدى. ءبىزدىڭ بىلۋىمىزشە، كىشىگىرىم تۇرلەرى بار «وميكرون» شتامى وتە جۇقپالى جانە بارلىق جاستاعى ادامدار ينفەكسياعا بەيىم ەكەنىن كورىپ وتىرمىز. الايدا، 20-دان 30 جاسقا دەيىنگى ادامدار كوبىرەك بەيىم. ول سونداي-اق «دەلتا» شتامىنا قاراعاندا جۇقپالى. كلينيكالىق بەلگىلەرى - شارشاۋ، باس اۋرۋى جانە دەنە قىزۋىنىڭ ارتۋى»، - دەدى سارحات بەيسەنوۆا.
ونىڭ ايتۋىنا قاراعاندا، ۆاكسينا العان ادامداردا، سونداي-اق ك ۆ ي-مەن اۋىرىپ جازىلعان ادامداردا ۋاقىت وتە دەنەنىڭ ينفەكتسيادان قورعانۋ دەڭگەيى تومەندەيدى.
«مۇنىڭ سالدارىنان ادام قايتادان ينفەكسياعا سەزىمتال بولادى. وسىعان بايلانىستى، ۆاكسينانىڭ باستاپقى كۋرسىن العاننان كەيىن، ياعني 6 ايدان سوڭ ك ۆ ي- عا قارسى رەۆاكسيناتسيا الۋ ۇسىنىلادى. ەگەر پ ت ر- تەستتىڭ قورىتىندىسى ۆيرۋس جۇقتىرعانىڭىزدى راستاسا نەمەسە ناۋقاستارمەن تىعىز بايلانىستا بولساڭىز، وندا ۆەدومستۆوارالىق كوميسسيانىڭ شەشىمىنە سايكەس قاشىقتان جۇمىس تۇرىنە اۋىسۋ كەرەك. سول سەبەپتى تۇرعىنداردان وسى ەرەجەگە بارىنشا جاۋاپكەرشىلىكپەن قاراۋعا جانە ءوزىن-ءوزى سوعان تاربيەلەۋگە شاقىرامىن»، - دەدىدەپارتامەنت باسشىسى.
ونىڭ سوزىنە قاراعاندا، نۇر-سۇلتانداعى ەپيدەميولوگيالىق احۋال «سارى» ايماققا جاقىنداپ كەلەدى.
