قىزىلوردادا كۇزەتشىلەرگە ءتىل تيگىزگەن «پروكۋروردىڭ ايەلى» جاۋاپقا تارتىلدى

شىمكەنت. قازاقپارات - الەۋمەتتىك جەلىدە ءوزىن « قىزىلوردا وبلىسى پروكۋرورىنىڭ ايەلىمىن» دەپ تانىستىرىپ، كۇزەتشىلەرگە قوقان- لوقى كورسەتكەن كەلىنشەكتىڭ كىم ەكەنى انىقتالدى، دەپ حابارلايدى قازاقپارات ءتىلشىسى.

اتالعان جايت بويىنشا شىمكەنت قالاسى ءال-فارابي اۋدانى پوليتسيا باسقارماسىنا جەكە سەرىكتەستىكتىڭ كۇزەت قىزمەتكەرى شاعىم تۇسىرگەن. 15-شىلدە كۇنى ساعات 14:00 شاماسىندا عيماراتقا كەلگەن جاس ايەل كۇزەتشىلەرگە دورەكى سوزدەر ايتىپ، بالاعاتتاعانى ءۇشىن جاۋاپكەرشىلىككە تارتۋ تۋرالى ءوتىنىش جازعان.

« ءال- فارابي اۋداندىق پوليتسيا ءبواسقارماسىنىڭ قىزمەتكەرلەرى ايەلدىڭ جەكە باسىن انىقتادى. ول 1984 -جىلى تۋعان جەرگىلىكتى تۇرعىن، بۇرىن ازامات د- مەن تۇرمىستا بولعان (پروكۋراتۋرا قىزمەتكەرى ەمەس). قازىرگى ۋاقىتتا ازاماتشا رەسمي تۇردە ەشكىممەن نەكەدە تۇرمايدى. سوڭعىعا قاتىستى ا ق ب ت ك- ءنىڭ 434-بابى بويىنشا اكىمشىلىك جاۋاپكەرشىلىككە تارتۋ بويىنشا شارالار قابىلدانۋدا» دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.