تامىزدا قازاقستاندىقتار نەشە كۇن دەمالادى

نۇر-سۇلتان. قازاقپارات - تامىز ايىندا قازاقستاندىقتار 22 كۇن جۇمىس ىستەپ، 9 كۇن دەمالادى، دەپ حابارلايدى قازاقپارات ءتىلشىسى.

وتكەن جىلى قازان ايىندا سول كەزدەگى ۇكىمەت باسشىسى اسقار مامين 2022 -جىلدىڭ دەمالىس كۇندەرىن اۋىستىرۋ تۋرالى قاۋلىعا قول قويعان ەدى.

كونستيتۋتسيا كۇنى اتالىپ وتەتىن 30-تامىز بيىل سەيسەنبىگە تۋرا كەلەدى. سوندىقتان جوعارىدا اتالعان ۇكىمەت باسشىسىنىڭ قاۋلىسىمەن دەمالىس 2022 -جىلعى 27-تامىز سەنبىدەن 2022 -جىلعى 29-تامىز دۇيسەنبىگە اۋىستىرىلعان. وسىلايشا، بەس كۇن جۇمىس ىستەيتىن قازاقستاندىقتار 27-تامىزدا جۇمىس ىستەپ، 28، 29، 30-تامىز كۇندەرى ءۇش كۇن دەمالا الادى.

التى كۇن جۇمىس ىستەيتىندەر ءۇشىن مەرەكە كۇنى اۋىستىرىلمايدى. ياعني، سەنبى كۇنى جۇمىس، جەكسەنبى - دەمالىس، دۇيسەنبى 29-تامىز - تاعى جۇمىس جانە سەيسەنبى 30-تامىز - دەمالىس بولادى.