رەسەيدە ناۋقاستاردان كوروناۆيرۋستىڭ جاڭا ءتۇرى تابىلدى

نۇر-سۇلتان. قازاقپارات - دارىگەرلەر ماسكەۋدە كوروناۆيرۋس جۇقتىرعان بەس پاتسيەنتتەن «كەنتاۆر» دەگەن كىشى ءتۇرىن تاپتى.

بارلىق ناۋقاستاردا اۋرۋ جەڭىل تۇردە ءوتىپ جاتىر. ناۋقاستار اراسىندا اۋرۋحاناعا جاتقىزىلعاندار جوق، دەپ حابارلايدى قازاقپارات.

ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ مالىمەتتەرىنە قاراعاندا، سوڭعى ەكى اپتادا رەسەيدە انىقتالعان كوروناۆيرۋس ينفەكتسياسىن جۇقتىرۋ جاعدايلارىنىڭ ىشىندە «وميكروننىڭ» كىشى تۇرلەرى - BA.4 جانە BA.5 شتامدارىنىڭ ۇلەسى %51,76- كە جەتتى. وميكرون شتامىنىڭ ءوزى %1,85- ىندە، دەلتا نۇسقاسى %0,73-ىندە انىقتالعان.

«كەنتاۆر» - كوروناۆيرۋستىڭ «وميكرون» شتامىنىڭ جاڭا كىشى ءتۇرى. بۇل كوروناۆيرۋستىق مۋتاتسيا ءۇندىستاندا جانە كەم دەگەندە ون ەلدە، سونىڭ ىشىندە نيدەرلاندى، اۆستراليا، گەرمانيا، ۇلى بريتانيا، ا ق ش جانە كانادادا تابىلدى. اققۋلار كوروناۆيرۋسىن جۇقتىرۋ جاعدايى العاش رەت قىتايداعى جياڭشي پروۆينسياسىندا تىركەلدى. ا ق ش بيولوگيا عىلىمدارىنىڭ دوكتورى قۇستارداعى كوروناۆيرۋستى انىقتاۋ COVID-19-دا ودان دا قاۋىپتى مۋتاتسياعا اكەلۋى مۇمكىن دەپ ەسكەرتتى. «سونىمەن قاتار، قونىس اۋداراتىن قۇستاردىڭ ءومىر سالتىنا بايلانىستى اققۋلار قىسقا مەرزىمدە بۇل مۋتاتسيالاردىڭ كەڭ قاشىقتىققا تارالۋىنا ىقپال ەتۋى مۇمكىن. عالىمدار كوروناۆيرۋس ينفەكسياسىنان قورعانۋدىڭ جالعىز ءادىسى - ۆاكسيناتسيا ەكەنىن ايتادى»، - دەلىنگەن حابارلامادا.