جەتىسايدا اياعى ساۋ ەر ادام مۇگەدەك ارباسىنا وتىرىپ قايىر سۇراعان

تۇركىستان. قازاقپارات - شىمكەنت قالاسىنىڭ تۇرعىنى جەتىسايعا بارىپ، قايىرشىلىقپەن اينالىسقان. جالعان مۇگەدەك بولىپ، ارباعا وتىرعان ونى ءتارتىپ ساقشىلارى جاۋاپقا تارتتى، دەپ حابارلايدى قازاقپارات ءتىلشىسى.

جەتىساي اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورلارى قايىرشىلىقپەن اينالىسۋدى ادەت ەتكەن 3 تۇرعىندى انىقتاپ، ولارعا ق ر ا ق ب ت ك-نىڭ 449-بابىمەن «قوعامدىق ورىنداردا ءتيىسۋ» نەگىزىندە حاتتاما تولتىردى.

اتالعان قۇقىق بۇزۋشى 3 ەر ادامنىڭ ەكەۋى جەرگىلىكتى، بىرەۋى شىمكەنت قالاسىنىڭ تۇرعىنى بولىپ شىقتى.

«ولار ورتالىق بازاردا قايىرشىلىق جاساعان. بۇدان بۇرىن ەسكەرتۋ دە بەرىلگەن. سونىمەن قاتار، جۇرتقا الاقان جايىپ، قايىر سۇراپ وتىرعان شىمكەنتتىك ەر ادامنىڭ مۇگەدەكتەر ارباسىندا وتىرعانى جاي كوزبوياۋشىلىق ەكەنى بەلگىلى بولدى. ياعني، تەكسەرۋ كەزىندە ونىڭ ءوز اياعىمەن جۇرە الاتىنى انىقتالدى» - دەيدى پوليتسيا مايورى ەلامان ابيشەۆ.