جالعىز ساياحاتتاۋ ءۇشىن ەڭ قاۋىپسىز ەلدەر اتالدى

نۇر-سۇلتان. قازاقپارات - وزگە ەلگە ساياحاتتاۋ ءارقاشان دا قىزىقتى.

الايدا دەمالىستىڭ بۇگە- شىگەسىنە دەيىن ويلاستىرىپ، قاۋىپسىز ەكەنىن قاداعالاۋ كەرەك. Traveldailynews.com پورتالى ايەلدەردىڭ جالعىز ساياحاتتاۋىنا قاۋىپسىز ەلدەر ءتىزىمىن جاريالادى.

جالعىز ساياحاتتاۋ ءۇشىن ەڭ قاۋىپسىز 10 ەلدىڭ 80 پايىزى ەۋروپادا ورنالاسقان. 50-دىڭ 47 ۇپايىن جيناعان يسپانيا كوش باسىندا تۇر. ەكىنشى ورىندا ءسال عانا ايىرماشىلىقپەن (46,65 بالل) يرلانديا ەكىنشى ورىندى قاناعات تۇتتى. سودان كەيىن، اۆستريا، پورتۋگاليا، حورۆاتيا - 45,05, 44,45, 44,15 بالل جيناعان. شۆەيتساريا، كانادا، سينگاپۋر ۇزدىك سەگىزگە كىردى.

ۇزدىك وندىقتىڭ سوڭعى جاعىنا نورۆەگيا مەن فرانسيا جايعاستى. ايتا كەتۋ كەرەك، نورۆەگيا ايەلدەر ءۇشىن قاۋىپسىز ەل رەتىندە ەڭ كوپ ۇپاي (310) جيناعان. ال كوش باسىندا تۇرعان يسپانيا بۇل كورسەتكىش بويىنشا نەبارى 212 ۇپاي العان.

رەيتينگ قاۋىپسىزدىك كورسەتكىشتەرىنە نەگىزدەلگەن، ەلدەگى جەكەلەي تۋرلاردىڭ سانى، TripAdvisor ۇيىمىنان العان بەس جۇلدىزدى قوناقۇيلەر مەن وتكىزىلەتىن شارالاردىڭ كورسەتكىشى ەسكەرىلگەن.