قونايەۆ قالاسىندا ەسىرتكى جاسايتىن ورىن تابىلدى
الماتى وبلىستىق پوليتسيا دەپارتامەنتىنىڭ مالىمەتىنشە، ۇستالعانداردىڭ ءبىرى الماتى قالاسىنىڭ، قالعان ەكەۋى ىلە اۋدانىنىڭ تۇرعىنى بولىپ شىقتى. ولار قونايەۆ قالاسىنان بەس شاقىرىم جەردە قورشالعان اۋماقتا ەشكىم تۇرمايتىن ەكى ۇيدە جاسىرىن زەرتحانا ۇيىمداستىرعان. ول جەردە مەفەدرون وندىرەتىن ارنايى قوندىرعىلار ورناتىلعان. تەكسەرۋ بارىسىندا كوپتەگەن پلاستيكالىق ىدىس پەن ۇنتاق ءتارىزدى زات جانە ارنايى ولشەگىش قۇرالدار تابىلدى. تابىلعان زاتتار اراسىنان 52,82 گرام ۇنتاقتىڭ زەرتحانالىق تەكسەرۋ بارىسىندا مەفەدرون ەكەنى انىقتالدى. سونداي-اق 2 تونناعا جۋىق حيميالىق سۇيىقتىق تاركىلەندى.
«قازىرگى تاڭدا ق ر ق ك 297-بابى بويىنشا تەرگەۋ امالدارى جۇرگىزىلۋدە. كۇدىكتىلەردىڭ ءبىرى قاماۋعا الىنىپ، قالعان ەكەۋىنەن مىندەتتى كەلۋ تۋرالى قولحات الىندى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.
