قازاقستاندىق تەننيسشىلەر پرەزيدەنت كۋبوگىنىڭ ەكىنشى اينالىمىنا شىقتى
قازاقستان تەننيس فەدەراتسياسىنان ءمالىم ەتكەنىندەي، دميتري پوپكو العاشقى اينالىمدا نيدەرلاندىلىق رۋبين ستەتحەمدى 6:3، 6:4 ەسەبىمەن ۇتتى.
د. پوپكونىڭ كەلەسى قارسىلاسى - تۇركيالىق يانكي ەرەل.
موناكولىق لۋكاس كاتارينانى 6:1، 6:1 ەسەبىمەن ويسىراتا جەڭگەن ميحايل كۋكۋشكين ەكىنشى اينالىمدا برازيليالىق گابريەل دەكامپسپەن كەزدەسەدى.
بەيبىت جۋكايەۆ جاپونيالىق شينتارو يمايدان باسىم ءتۇستى - 7:6 (7:3)، 6:1.
ەندى ول يزرايل وكىلى دانيەل تسۋكەرمانمەن شەبەرلىك بايقاسادى.
دەنيس ەۆسەيەۆ ءۇش سەتكە سوزىلعان كەزدەسۋدە رەسەيلىك اليبەك كاچمازوۆتى جولدان تايدىردى - 6:3، 3:6, 6:4.
د. ەۆسەيەۆ شيرەك فينالعا شىعۋ ءۇشىن تاعى ءبىر رەسەيلىك ەۆگەني كارلوۆسكيمەن تالاسادى.
تيموفەي سكاتوۆ، دوستانبەك تاشبولاتوۆ جانە گريگوري لوماكين جەكەلەي سىندا ەكىنشى اينالىمعا شىعا المادى.
ايەلدەر اراسىندا گوزال اينيتدينوۆا وتانداسى اسىلجان ارىستانبەكوۆادان شەبەرلىگىنىڭ باسىم ەكەندىگىن كورسەتتى - 6:3، 6:4.
ەندى ول رەسەيلىك اناستاسيا زولوتاريەۆانى سىناپ كورەدى.
ەسكە سالا كەتەيىك، بۇدان بۇرىن ياروسلاۆا شۆەدوۆانىڭ كوماندالىق جارىستا رەيتينگتىڭ شەشۋشى ءرول اتقارمايتىنى تۋرالى ايتقانىن جازعان بولاتىنبىز.
