پروكۋروردىڭ ايەلىمىن: قىزىلوردا پروكۋراتۋراسى جەلىدە تاراعان ۆيدەوعا جاۋاپ بەردى
ۆيدەودا وبلىس پروكۋرورىنىڭ ايەلى دورەكىلىك جاسادى دەپ ايتىلعان بولاتىن، دەپ حابارلايدى قازاقپارات ءتىلشىسى.
قىزىلوردا وبلىستىق پروكۋراتۋراسى اتالعان بەينەجازبانىڭ شىندىققا جاناسپايتىنىن ءمالىم ەتتى.
«الەۋمەتتىك جەلىدە «قىزىلوردا وبلىسى پروكۋرورىنىڭ ايەلى كۇزەتشىلەرگە دورەكىلىك جاسادى» دەگەن سيپاتتا بەينەجازبا تاراپ جاتىر. بۇل - شىندىققا جاناسپايتىن اقپارات. وبلىس پروكۋرورىنىڭ ايەلىنىڭ اتى ءجونى - بيجانوۆا تاتيانا اناتوليەۆنا. ۇلتى - ورىس. تارالعان ۆيدەوداعى باسقا ايەل. جالا جاۋىپ، جالعان اقپارات تاراتۋشىلارعا زاڭمەن كوزدەلگەن تارتىپتە جاۋاپكەرشىلىك قارالاتىنىن نازارعا سالامىز»، - دەپ جازىلعان قىزىلوردا وبلىستىق پروكۋراتۋراسى تاراتقان حابارلامادا.
ەسكە سالساق، بۇدان بۇرىن قىزىلوردادا مەديتسينا قالدىقتارىن جويۋ تالاپتارىن بۇزعاندارعا ايىپپۇل سالىنعان ەدى.
