ا ق ش قازاقستانعا قىلمىستىق اكتيۆتەردى قايتارۋعا قولداۋ كورسەتەدى

نۇر-سۇلتان. قازاقپارات - ا ق ش ادىلەت دەپارتامەنتىنىڭ وكىلدەرى قىلمىستىق اكتيۆتەردى ىزدەۋگە جانە ا ق ش- تان قازاقستانعا قايتارۋعا قولداۋ كورسەتۋگە دايىن.

بۇل تۋرالى ق ر باس پروكۋراتۋراسى وكىلدەرىنىڭ ا ق ش- قا جۇمىس ساپارى بارىسىندا بەلگىلى بولدى، دەپ حابارلايدى ق ر باس پروكۋراتۋراسىنىڭ رەسمي سايتىنا سىلتەمە جاساپ.

ايتا كەتەيىك، ق ر باس پروكۋرورىنىڭ ءبىرىنشى ورىنباسارى ت. ع. تاشىمبايەۆ باستاعان قازاقستان رەسپۋبليكاسى باس پروكۋراتۋراسىنىڭ دەلەگاتسياسى امەريكا قۇراما شتاتتارىنا جۇمىس ساپارى بارىسىندا اقش ادىلەت دەپارتامەنتىنىڭ باسشىلىعىمەن، ف ت ب جانە دۇنيەجۇزىلىك بانك وكىلدەرىمەن ءبىرقاتار كەزدەسۋلەر وتكىزدى.

تاراپتار ناقتى قىلمىستىق ىستەر بويىنشا ىنتىماقتاستىقتى نىعايتۋ، سۇراۋ سالۋلاردى ەلەكتروندىق فورماتتا بەرۋ، كيبەرقىلمىسپەن كۇرەس سالاسىندا تاجىريبە الماسۋ، سوتتالعانداردى ۇستاپ بەرۋ جانە شارتتار جاساسۋ ماسەلەلەرىن تالقىلادى.

كەزدەسۋ بارىسىندا ت. تاشىمبايەۆ امەريكالىق ارىپتەسىنە بيىلعى 5-ماۋسىمدا مەملەكەت باسشىسىنىڭ جارلىعىمەن ەكونوميكالىق رەسۋرستاردى زاڭسىز شوعىرلاندىرۋعا قارسى ءىس- قيمىل ماسەلەلەرى جونىندەگى ۆەدومستۆوارالىق كوميسسيا قۇرىلعانى تۋرالى جەتكىزدى، ونىڭ نەگىزگى ماقساتتارىنىڭ ءبىرى ەلدەن زاڭسىز شىعارىلعان قارجى قاراجاتىن قايتارۋ بولىپ تابىلادى. ا ق ش ادىلەت دەپارتامەنتىنىڭ وكىلدەرى قىلمىستىق اكتيۆتەردى ىزدەۋگە جانە ا ق ش- تان قازاقستانعا قايتارۋعا قولداۋ كورسەتۋگە دايىن ەكەندەرىنە سەندىردى.

تاراپتار بىرلەسكەن كۇش- جىگەرمەن عانا ترانسۇلتتىق ۇيىمداسقان قىلمىسقا جانە قىلمىستىق كىرىستەردى جىلىستاتۋعا قارسى ءتيىمدى كۇرەس جۇرگىزۋگە بولادى دەگەن ءوزارا پىكىرگە كەلدى.

بۇدان بولەك، قازاقستان دەلەگاتسياسى دۇنيەجۇزىلىك بانكتىڭ «StAR Initiativە» (ۇرلانعان اكتيۆتەردى قايتارۋ باستاماسى) جوباسىنىڭ وكىلدەرىمەن كەزدەستى. دۇنيەجۇزىلىك بانكپەن قازاقستاننىڭ شەتەلگە، ونىڭ ىشىندە وفشورلىق يۋريسديكتسياعا شىعارىلعان قىلمىستىق جولمەن تابىلعان اكتيۆتەردى قايتارۋ بويىنشا كۇش- جىگەرىن قولداۋ جانە ىنتىماقتاستىقتىڭ كورسەتىلگەن باعىتى بويىنشا پروكۋرورلار مەن تەرگەۋشىلەر ءۇشىن ترەنينگتەر وتكىزۋ ماسەلەلەرى تالقىلاندى. بانك وكىلدەرى قازاقستاندىق تاراپتىڭ بۇل باستامالارىن قولدادى.

«ءىس- شارا قورىتىندىسى بويىنشا تاراپتار وتكەن ديالوگقا قاناعاتتانۋشىلىق ءبىلدىردى جانە ودان ءارى ءوزارا ءىس- قيمىل بويىنشا بىرلەسكەن قادامداردى بەلگىلەدى»، دەلىنگەن حابارلامادا.

ايانا توعانبەك

Egemen.kz