تالعاردا اتىس بولىپ، ءبىر ادام كوز جۇمدى

قونايەۆ. قازاقپارات - الماتى وبلىسىنداعى تالعار اۋدانىندا اتىس بولىپ، ءبىر ادام مەرت بولدى. ول اۋرۋحانادا جان تاپسىرعان، - دەپ حابارلايدى قازاقپارات ءتىلشىسى.

«18-شىلدە كۇنى تالعار اۋدانىندا 8 جەرگىلىكتى تۇرعىننىڭ اراسىندا كيكىلجىڭ تۋىنداعان. ولار قارۋ قولدانعان. سالدارىنان ءتۇرلى دەنە جاراقاتىمەن ەكى ەر ادام اۋرۋحاناعا ءتۇسىپ، ونىڭ بىرەۋى سول جەردە كوز جۇمدى. قازىر بارلىق ادامدار انىقتالىپ، ۇستالدى. قازىر اتالعان فاكتى ق ك- ءتىڭ 103، 293-باپتارى بويىنشا ءىس قوزعالىپ، تەرگەۋ ءجۇرىپ جاتىر»، - دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.

ۆەدومستۆونىڭ اقپاراتىنا سايكەس، وقيعاعا قاتىسقان ادامدار ءبىر- بىرىنە تانىس بولىپ كەلەدى.