اراب كومپانياسى استاناداعى جاڭا مەشىتتىڭ جانىنان كوپ فۋنكسيونالدى كەشەن سالماق

نۇر- سۇلتان. قازاقپارات - قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى «Ayana Holding» كومپانياسىنىڭ باسقارما ءتوراعاسى ابدۋللا بەن لاحەدجدى قابىلدادى، دەپ حابارلايدى قازاقپارات.

سىرتقى ساياسي ۆەدومستۆونىڭ مالىمەتىنشە، سۇحبات بارىسىندا تاراپتار ەلوردادا «The Grand Mosque Residences» كوپ فۋنكتسيونالدى تۇرعىن جانە ساۋدا كەشەنىنىڭ قۇرىلىسى جوباسىن ىسكە اسىرۋ پەرسپەكتيۆالارىن تالقىلادى. مۇحتار تىلەۋبەردى ۇكىمەت جوبانى ىسكە اسىرۋ جانە سۇيەمەلدەۋگە قاجەتتى قولعابىس كورسەتۋگە دايىن ەكەنىن حابارلادى. كەزدەسۋ قورىتىندىسى بويىنشا تاراپتار اتالعان جوبانى پراكتيكالىق تۇرعىدا ىسكە اسىرۋ كەزەڭىنە ءوتۋ بويىنشا جۇمىستى جالعاستىرۋعا ۋاعدالاستى. ءبىرىنشى كەزەڭنىڭ جالپى قۇنى - 576 ميلليون ا ق ش دوللارى، ال جوبانىڭ جالپى قۇنى - 2 ميلليارد ا ق ش دوللارى.