بيزنەس ەلورداداعى اقىلى تۇراقتارعا بايلانىستى سوتقا جۇگىندى
بۇل تۋرالى نۇر- سۇلتان قالالىق كاسىپكەرلەر پالاتاسىنىڭ ديرەكتورى بەيسەن جولبولديەۆ ايتتى، دەپ حابارلايدى قازاقپارات ءتىلشىسى.
«كەلۋشىلەر قانداي دا ءبىر قوسىمشا شىعىنعا تاپ بولماۋى ءتيىس. قۇرىلىس نورمالارى مەن ەرەجەلەرىندە عيماراتتا جۇمىس ىستەيتىندەر جانە وعان كەلۋشىلەر كولىك ءتۇراقتارىن تەگىن پايدالانۋى تيىستىگى كوزدەلگەن. دەمەك، مەملەكەتتىك- جەكەشەلىك ارىپتەستىك قاعيداتى بۇزىلىپ وتىر. بۇگىنگى ءىس- شاراعا «مەملەكەتتىك- جەكەشەلىك ارىپتەستىك ورتالىعى» ا ق ماماندارى كەلىپ وتىر. ولاردىڭ دا پىكىرىن تاعى ءبىر مارتە تىڭداپ كورمەكپىز. ولار بۇعان دەيىن دە پىكىر ءبىلدىرىپ، قايتا قاراۋ قاجەتتى جەرلەر بار ەكەنىن ايتقان بولاتىن. تابىستىڭ 5 پايىزى مەملەكەتكە، ال قالعان 95 پايىزىنىڭ جەكە كاسىپكەرگە ءتۇسۋى دە جونسىزدىك. مەنىڭشە، جاعداي تەڭ ەمەس. ونىڭ ۇستىنە قىزمەت كورسەتۋ جەرگىلىكتى اتقارۋشى ورگانداردىڭ، بيزنەس- قوعامداستىقتىڭ ەسەبىنەن جۇزەگە اسىرىلادى. ءىرى بيزنەس ورتالىقتارىنىڭ مەنشىك يەلەرى دە جالعان الۋ مەرزىمىن ۇزارتۋ ۋاقىتى كەلگەن كەزدە تۇراقتى الىپ قويىپ، جەكە سەرىكتەستىڭ باسقارۋىنا بەرەتىندىكتەرىن دە ايتىپ ءجۇر»، - دەدى ول اقىلى كولىك تۇراقتارى ماسەلەسى تالقىلانعان جيىن اياسىندا.
پالاتا ديرەكتورى سالادا جوسىقسىز باسەكەلەستىكتىڭ بولۋى مۇمكىن ەكەندىگىن دە جوققا شىعارمادى.
«ءبىراق، ول ءۇشىن بارلىق ماسەلە قايدان شىعىپ جاتقانىن ءتۇپ- تامىرىنا دەيىن قاراۋىمىز قاجەت. بۇگىندە بارلىق قۇجاتتامانى الا المايمىز. قازىرگى ۋاقىتتا كاسىپكەرلەر سوتقا بەردى. كەز كەلگەن بيزنەسمەن جوباسىن ىسكە اسىرار كەزدە، ونى تولىقتاي زەردەلەيدى، اسەرەسە تۇراق ورىندارىنىڭ بولۋىنا ەرەكشە نازار اۋدارادى. ويتكەنى، بۇل ماڭىزدى رولگە يە. سەبەبى ادامدار كەلگەننەن كەيىن، كولىكتەرىن قالدىرۋى مۇمكىن. ال بۇگىندە مۇنداي ورىندار اقىلى بولىپ جاتىر. سوعان وراي ولار (بيزنەسمەندەر) كىرىستەرىن تولىعىمەن الا المايدى»، - دەدى بەيسەن جولبولديەۆ.
