شىمكەنتتە جول جيەگىندەگى جىلقىلاردى سوققان كولىك جۇرگىزۋشىسى قايتىس بولدى

شىمكەنت. قازاقپارات- شىمكەنتتە جول جيەگىندەگى جىلقىلارعا سوعىسقان كولىكتىڭ جۇرگىزۋشىسى قايتىس بولدى.

جول كولىك وقيعاسىنان تاعى 4 جولاۋشى ءتۇرلى دەنە جاراقاتىمەن اۋرۋحاناعا جەتكىزىلدى، دەپ حابارلايدى قازاقپارات ءتىلشىسى.

وقيعا شىمكەنت قالاسى ەڭبەكشى اۋدانى ابدۋلاباد اۋىلى، ابدۋلاباد كوشەسىنىڭ بويىندا بولعان. ساعات 20:00 شاماسىندا 4 جولاۋشىسى بار «ۆاز 21099» ماركالى اۆتوكولىك جول بويىمەن ءوتىپ بارا جاتقان جىلقىلاردى قاعىپ، قارسى باعىتقا شىعىپ كەتكەن. سالدارىنان، قارسى باعىتتا كەلە جاتقان «Volkswagen Passat» ماركالى جەڭىل كولىكپەن سوقتىعىسىپ، جول اپاتىن وقيعاسىن جاساعان.

«اتالعان وقيعا بويىنشا، ق ر ق ك- ءنىڭ 345-بابى 3-بولىگى «كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» بويىنشا ءىس قوزعالىپ، قاجەتتى ساراپتامالار تاعايىندالدى»، - دەلىنگەن شىمكەنت قالاسى پوليسيا دەپارتامەنتىنىڭ باسپا ءسوز قىزمەتى تاراتقان حابارلامادا.