الجير يتالياعا گاز بەرەدى
يتاليا پرەمەر- ءمينيسترى ماريو دراگيدىڭ الجيرگە ساپارى كەزىندە وسىنداي كەلىسىم جاسالماق. شەتەلدىك اقپارات كوزدەرىنىڭ حابارلاۋىنشا، الجير پرەزيدەنتى ابدەلماجيد تەببۋن كەلىسىم جاسالاتىنىن مالىمدەگەن.
بۇعان دەيىن مەملەكەتتىك ەنەرگەتيكا كومپانياسى يتالياعا جەتكىزەتىن گاز كولەمىن تاعى 4 ميلليارد تەكشە مەترگە ۇلعايتاتىنى جايلى حابارلاعان. ەۋروپاعا جەتكىزىلەتىن رەسەي گازىن ازايتۋعا بايلانىستى يتاليادا وتىن تاپشىلىعى تۋىنداعان ەدى. گاز يمپورتىنىڭ بالاما جولىن ىزدەستىرۋ ماقساتىندا يتاليا مەن الجير ءوزارا كەلىسسوزدەر جۇرگىزە باستاعان.
ايمان بەن ابدەل راحمان، الجير پرەمەر- ءمينيسترى:
- الجير - يتاليانىڭ افريكا مەن تاياۋ شىعىستاعى ەڭ ءىرى سەرىكتەسى. الىس- بەرىستىڭ كولەمى 2021 -جىلى 8,5 ميلليارد ا ق ش دوللارىنا جەتكەن. بيىل بۇل كورسەتكىش اناعۇرلىم ارتاتىنى بەلگىلى. العاشقى بەس ايدىڭ ىشىندە ساۋدا اينالىمى 4,3 ميلليارد دوللاردان اسقان.
ماريو دراگي، يتاليا پرەمەر- ءمينيسترى:
- يتاليا الجيردىڭ ەنەرگەتيكا، ينفراقۇرىلىم، كولىك جانە اۋىلشارۋاشىلىعى سالاسىنا ينۆەستيتسيا قۇيۋشى مەملەكەت. سوندىقتان الجيردىڭ ەكونوميكالىق، الەۋمەتتىك تىنىس- تىرشىلىگىنە ارالاسۋىمىز زاڭدى قۇبىلىس.
