13:55, 19 - شىلدە 2022 | GMT +5
ۋكراينادا قاۋىپسىزدىك قىزمەتىنە سەنىم ازايدى
نۇر- سۇلتان. قازاقپارات – ۋكراينا پرەزيدەنتى ۆلاديمير زەلەنسكي ەلدىڭ قاۋىپسىزدىك قىزمەتىندە اۋقىمدى كادرلىق وزگەرىستەر بولاتىنىن جاريالادى، دەپ حابارلايدى «حابار 24».
وسىلايشا كۇش قۇرىلىمىنىڭ باسشىسى يۆان باكانوۆ قىزمەتىنەن كەتكەن سوڭ، ىزىنشە تازالاۋ جۇمىستارى باستالاتىنىن اڭعارتتى. ويتكەنى باكانوۆ ەلگە ساتقىندىق جاسادى دەگەن كۇدىككە ىلىنگەن. وعان قوسا، مىندەتىن دۇرىس اتقارماۋى سالدارىنان ءولىم- جىتىمگە جول بەرىلدى دەگەن ايىپ تاعىلىپ وتىر.
ۆلاديمير زەلەنسكي، ۋكراينا پرەزيدەنتى:
- قاۋىپسىزدىك قىزمەتىندە كادرلاردى تەكسەرۋ ءجۇرىپ جاتىر. 28 قىزمەتكەردى جۇمىستان شىعارامىز. ءتۇرلى باعىتتا، ءتۇرلى قىزمەتتە بولعانداردىڭ ورتاق پروبلەماسى بار. ول جۇمىس ناتيجەسىنىڭ ماردىمسىز بولۋى.
