وتاندىق عالىمداردىڭ ونەرتابىسى تانىستىرىلدى
وسىمدىك تامىرىنان الىنعان ميكروورگانيزمدەردىڭ توكسيكالىق جانە ينفەكسيالىق قاسەتتەرىنىڭ بار- جوعى تولىقتاي تەكسەرىلگەن.
ناتيجە قۋانارلىق ، - دەيدى عالىمدار. ميكروورگانيزمنەن بولىنگەن بيوپلاستيكتى ەش كەدەرگىسىز قولدانۋعا بولادى.
ايدا قىستاۋبايەۆا، ءال- فارابي اتىنداعى قازۇۋ بيوتەحنولوگيا كافەدراسىنىڭ مەڭگەرۋشىسى:
- ەندوفيت ميكروورگانيزمدەردى ءبولىپ الدىق، ونى ءبىز وسىمدىكتىڭ تامىرىنان ءبولىپ الدىق. وسىمدىك تامىرىندا بۇل ميكروورگانيزمدەر پلاستيك سياقتى پوليمەرلەردى ءبولىپ شىعاراتىن بولعان. بۇل پسيەۆدومونادو تۇرىنە جاتاتىن باكتەريالار. قازىرگى ۋاقىتتا ءبىز ونىڭ ءتۇرىن تولىعىمەن زەرتتەپ شىعاردىق.
بيوپلاستيك قازىر الەمدە ۇلكەن سۇرانىسقا يە. سەبەبى، بۇل ءونىم تابيعاتتا تەز ىدىرايدى. قالدىق رەتىندە قاۋپى جوق. قولدانىلۋ اياسى دا كەڭ. ماسەلەن، بيوپلاستيكتەن مەديتسينادا جاساندى تامىر جاساۋعا بولادى. ال، اۋىلشارۋاشىلىعىندا جەمىس- جيدەكتەردىڭ سىرتىنا جاعۋ ارقىلى بالعىندىعىن ۇزاق ۋاقىت ساقتاۋعا مۇمكىندىك مول.
ليۋدميلا يگناتوۆا، ءال- فارابي اتىنداعى قازۇۋ بيوتەحنولوگيا كافەدراسىنىڭ دوتسەنتى:
- بيوپلاستيكتى تۇقىم قابىعى رەتىندە پايدالانۋعا بولادى. مۇنداي جابىندار تۇقىمنىڭ ساپاسىن جاقسارتادى، ولاردى تۇقىمنىڭ ونۋىنە ىقپال ەتەتىن ءارتۇرلى قورەكتىك زاتتارمەن بايىتۋعا بولادى. سونداي- اق بيوپلاستيكپەن قاپتالعان تۇقىم سىرتقى ورتانىڭ اسەرىنەن قورعالادى.
قازىر عالىمدار ونەرتابىستى گرانتتىق قارجىلاندىرۋعا ءوتىنىش بەرگەن. جوبا مەملەكەتتەن تاراپىنان قولداۋ تاپسا، زەرتتەۋدى جەتىلدىرىپ، الداعى ءۇش جىلدا عىلىمي جاڭالىقتى وندىرىسكە ەنگىزۋگە دايىنبىز، - دەيدى ماماندار.
www.24.kz
