قاڭتار وقيعاسى: جاپپاي تارتىپسىزدىكتى ۇيىمداستىرۋشىلارعا قاتىستى سوت ۇكىمى شىقتى
كۇدىكتىلەر ق ر ق ك- ءنىڭ 272-بابىنىڭ 2,3-بولىكتەرىمەن كىنالى دەپ تانىلدى. تەكسەرۋ بارىسىندا ولاردىڭ پوليتسيا باسقارمالارىنىڭ عيماراتتارىن ورتەۋ، باسىپ الۋ، جاپپاي تارتىپسىزدىككە قاتىسۋشىلاردى شابىتتاندىرۋ، ادامداردى قارۋلاندىرۋ، قارجىلاندىرۋ، ارنايى تەحنيكالاردىڭ جۇرۋىنە كەدەرگى جاساۋ ءۇشىن جۇك كولىكتەرىمەن ءىرى جانە مايدا تاستاردى توگۋ تۋرالى ۇيالى بايلانىس ارقىلى سويلەسكەندىكتەرى انىقتالعان.
«كۇدىكتىلەردىڭ 2021 -جىلى ق ر ق ك- ءنىڭ 405-بابىندا (ەكسترەميستىك قىلمىستاردى) قاراستىرىلعان قىلمىستاردى جاساعانى، پروباتسيالىق باقىلاۋدىڭ ەسەبىندە تۇرعانى، الدىن جاساعان قىلمىستارىنان ناتيجە شىعارماعاندارى بەلگىلى بولدى» - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.
ايتا كەتەيىك، قاڭتار ايىنىڭ 5-نەن 6-نا قاراعان ءتۇنى شىمكەنت قالاسى اكىمشىلىك عيماراتىنىڭ الدىندا جاپپاي تارتىپسىزدىك ورىن العان بولاتىن. نازاربايەۆ داڭعىلىنىڭ بويىندا «رۋپور» دىبىس ۇلكەيتكىش قۇرالىن پايدالانۋ ارقىلى ۇيىمداستىرۋشىلار ادامداردى تارتىپسىزدىككە شاقىرىپ، ساياسي دۇربەلەڭ تۋعىزدى.
