جۇرەك قانداي جاعدايدا دەمالادى؟

نۇر- سۇلتان. قازاقپارات - جەر بەتىندە تىرشىلىك ەتەتىن جانى بار اقىل يەسى ادام بالاسىنىڭ ەڭ اياۋلى جەرى جۇرەك. كەز كەلگەن دۇنيەنى اقىل ارقىلى تانىپ، جۇرەكتىڭ ايتقانىنا جۇگىنەتىنىمىز بار.

جانىمىز جۇدەسە دە جۇكتىڭ ءبارى ەڭ اۋەلى كەۋدەمىزدەگى وسى ءبىر كەسەك ەتكە تۇسەدى. ول بارلىعىن سەزەدى. عۇمىر ساعاتى توقتاعانشا ۇزدىكسىز سوعىپ تۇراتىن جۇرەك قاشان دەمالادى؟ ويلانىپ كوردىڭىز بە؟ ەندەشە، مىنا جايتقا قانىق بولىڭىز!

ادام مۇشەلەرى سويلەسىپ، «سەن قاشان دەمالاسىڭ؟»، - دەپ ءبىر- بىرىنەن سۇراپ وتىر دەيدى. اياق، قول، كوز جانە باسقالارى:

- ءبىز ۇيىقتاعاندا دەمالامىز، - دەسە. اسقازان:

- مەن تاماقتى سىڭىرگەندە دەمالىپ الامىن، - دەپتى.

ءبارى جابىلىپ، ۇندەمەي وتىرعان جۇرەكتەن:

- سەن جارالعاننان بەرى جۇمىس ىستەپ كەلەسىڭ. قالاي دەمالىپ ءجۇرسىڭ؟ - دەپ سۇراپتى. سوندا جۇرەك:

- مەن ادامداردىڭ ءبىر- بىرىنە ايتقان جىلى دا جاقسى سوزدەرىنەن دەمالامىن! - دەگەن ەكەن. جاقسى ءسوز جان جادىراتادى. جاقىندارىمىزعا كۇندە بولماسا دا اپتاسىنا ءبىر رەت جىلى ءسوزىمىزدى اياماي ايتىپ ءجۇرۋدى ۇمىتپايىق.

Massaget.kz