قاڭتار وقيعاسىنان كەيىن قارۋلى كۇشتەردىڭ قولباسشىلىق قۇرامى نەشە پايىز جاڭاردى

نۇر- سۇلتان. قازاقپارات - قاڭتار وقيعاسىنان كەيىن قورعانىس مينيسترلىگىنىڭ، ق ر قارۋلى كۇشتەرىنىڭ جەكە قۇرامى نەشە پايىز جاڭارتىلدى؟

قازاقپارات جولداعان رەداكسيالىق ساۋالعا ق ر قورعانىس مينيسترلىگى اپپارات باسشىسىنىڭ مىندەتىن ۋاقىتشا اتقارۋشى ت. بولەجانوۆ جاۋاپ بەردى.

«قاڭتار وقيعاسىنان كەيىن پرەزيدەنت قاسىم- جومارت توقايەۆ قازاقستانداعى تارتىپسىزدىكتەر كەزەڭىندە «كومانديرلىك قاسيەتتەرىن كورسەتكەن جوق» دەپ، بۇرىنعى قورعانىس ءمينيسترىنىڭ «ارەكەتسىزدىگىن» سىنعا الىپ، قىزمەتىنەن بوساتقانى راس. قازىرگى كەزدە قازاقستان رەسپۋبليكاسى قۇقىق قورعاۋ ورگاندارى وعان قاتىستى قىلمىستىق ءىس جۇرگىزۋدە. قاڭتار وقيعاسىمەن بايلانىستى قىلمىستىق ىستەردى تەرگەۋ اياسىندا قارۋلى كۇشتەردىڭ باسقا دا اسكەري قىزمەتشىلەرىنە قاتىستى بۇلتارتپاۋ شاراسىن قولدانۋ، سونداي- اق اسكەري قىزمەتشىلەردى قىلمىستىق قۇقىق بۇزۋشىلىقتى جاساعاندىعى بويىنشا كۇدىكتى دەپ تانۋ تۋرالى اقپارات جوق»، - دەپ جازىلعان جاۋاپتا.

سونداي- اق، مينيسترلىكتىڭ جاۋابىندا قاۋرلى كۇشتەردىڭ قولباسشىلىق قۇرامى قاڭتار وقيعاسىمەن بايلانىستى تەرگەۋ جۇمىستارى اياقتالعانشا وزگەرمەيتىنى ايتىلعان.

«قارۋلى كۇشتەردىڭ قولباسشىلىق قۇرامىندا لاۋازىمدىق جاعدايىن نەمەسە اسكەري قىزمەت وتكەرۋ ورنىن وزگەرتۋ جونىندە شەشىمدەر ورىن العان جوق. سەبەبى قۇزىرەتتى ورگاندار جۇرگىزىپ جاتقان قىلمىستىق ىستەر بويىنشا تەرگەۋ جۇمىستارى قازىرگى ۋاقىتتا اياقتالعان جوق»، - دەلىنگەن رەسمي جاۋاپتا.

ەسكە سالساق، اقپان ايىندا بۇرىنعى قورعانىس ءمينيسترى مۇرات بەكتانوۆ ۇستالىپ، ۋاقىتشا ۇستاۋ يزولياتورىنا قامالعانى تۋرالى اقپارات تاراعان بولاتىن. ال 30- مامىردا الماتى قالالىق سوتىنىڭ باسپا ءسوز قىزمەتى ونى قاماۋدا ۇستاۋ مەرزىمى ەكى ايعا ۇزارتىلعانىن ءمالىم ەتتى.

اۆتور: ەسىمجان ناقتىباي