ەۋرو وداق ۋكرايناعا تاعى دا قارجى بولمەك
جالپى كيەۆكە سوعىس باستالعالى جۇمسالعان قولداۋ قارجىنىڭ سوماسى 2,5 ميلليارد ەۋروعا جەتتى. 500 ميلليون ەۋروعا ۋكرايناعا قورعانىس ماقساتىندا قولدانىلاتىن قارۋ- جاراق الىنۋى ءتيىس. وداقتان تىس اۋماقتاعى قاقتىعىستارعا اقشا ءبولۋ ماسەلەسى ءبىراز داۋ تۋدىرعانىمەن، قاراجاتتىڭ العاشقى ترانشىن جونەلتۋگە ەۋرووداق ەلدەرى ءبىراۋىزدان قولداۋ بىلدىرگەن ەدى.
ەۋروپالىق وداقتىڭ سىرتقى ىستەر ءمينيسترى جوزەف بوررەل «ديپلوماتيا تۇرعىسىنان تيتىقتاۋىمىزعا جول بەرۋگە بولمايدى» دەپ مۇشە ەلدەرگە ۇندەۋ تاستادى.
جوزەپ بوررەل، ەۋرو وداقتىڭ سىرتقى ىستەرى جونىندەگى جوعارعى وكىلى:
- پۋتين «ءتۇپتىڭ تۇبىندە دەموكراتيا تيتىقتايدى» دەگەنگە سەنسە كەرەك. دەموكراتيا ءالسىز جانە ءبىر اقپاراتتى ەكىنشىسى جاسىرادى دەپ ويلايدى. ءبىراق ولاي ەمەس. ەۋروپا قاۋىمداستىعى مۇندايعا جول بەرمەيدى. وداققا مۇشە ەلدەر باستاپقى قاعيداسىنان باس تارتپاۋى ءتيىس. رەسەي ەكونوميكاسىنا قارسى قاتاڭ شارا قولدانۋ تۋرالى ءاۋ باستا شەشىم قابىلدادى جانە ودان اينىمايدى.
