اتىراۋ وبلىسىندا جولدى جولاققا بولەتىن سىزىق قيسىق سىزىلعان
بۇل تۋرالى الەۋمەتتىك جەلىدە ۆيدەو تاراپ، قوعامدىق پىكىر تۋعىزدى. ۆيدەودا جولدى جولاققا بولەتىن سىزىقتىڭ قيسىق سىزىلعانى كورسەتىلگەن. ۆيدەو اۆتورى «مىنانى ماس ادام سىزعان با؟» دەپ ساۋال تاستايدى. «قازاۆتوجول» ۇ ك» ا ق- نىڭ باسپا ءسوز حاتشىسى ءلاززات ستامعازيەۆانىڭ ايتۋىنشا، ۆيدەودا اۋداندىق ماڭىزى بار جول كورسەتىلگەن.
«بۇل رەسپۋبليكالىق ماڭىزداعى جول ەمەس. «قازاۆتوجول» ۇ ك» ا ق رەسپۋبليكالىق جولداردى سالىپ، قايتا جاڭارتىپ جاتىر»، - دەدى ءلاززات ستامعازيەۆا.
اتالعان ۆيدەو اتىراۋ وبلىسىنىڭ قۇرمانعازى اۋدانىندا تۇسىرىلگەنى بەلگىلى بولىپ وتىر. وسىعان بايلانىستى قۇرمانعازى اۋدانىنىڭ اكىمدىگى باسپا ءسوز قىزمەتىنىڭ مالىمەتىنشە، اۋدان ورتالىعى - قۇرمانعازى اۋىلىنداعى «شيپاجاي» شاعىن اۋدانىنان تۇرعىندارعا جەكە تۇرعىن ءۇي قۇرىلىسى ءۇشىن جەر تەلىمى بەرىلەدى. وسىعان وراي گاز، سۋ، ەلەكتر جەلىسى، جول سەكىلدى ينجەنەرلىك- كوممۋنيكاتسيالىق ينفراقۇرىلىمدار سالىنىپ جاتىر.
«ۆيدەوعا قۇرىلىس جۇمىستارى اياقتالماعان اۆتوموبيل جولى تۇسىرىلگەن. قۇرىلىستى جۇزەگە اسىراتىن مەردىگەر مەكەمە - «قاراعاندى جولدارى» ج ش س. اتالعان جۇمىستاردى تاپسىرىس بەرۋشى ءالى قابىلداعان جوق»، - دەپ حابارلادى قۇرمانعازى اۋدانى اكىمدىگىنىڭ باسپا ءسوز قىزمەتى.
اۋداندىق اكىمدىكتىڭ باسپا ءسوز قىزمەتىنىڭ مالىمەتىنشە، بارلىق جۇمىس اياقتالعاننان كەيىن جول تاڭباسىن مەردىگەر ەسەبىنەن تۇزەتۋ كوزدەلىپ وتىر.
ەسكە سالا كەتەلىك، بۇدان بۇرىن اتىراۋ اكىمدىگى اسفالت توپىراق ۇستىنە توسەلگەنىنە تۇسىنىك بەرگەنىن جازعان ەدىك.
