قازاقستان تاجىكستانعا عارىشتىق بايلانىس قىزمەتتەرىن كورسەتەتىن بولدى
قۇجاتقا سايكەس، تاجىكستاندا قازاقستاندىق جەرسەرىكتىك بايلانىس رەسۋرستارى ارقىلى ەلىمىزدىڭ الىستا ورنالاسقان ەلدى- مەكەندەرى ءۇشىن بايلانىس ارنالارى ۇيىمداستىرىلادى. شارتقا «رەسپۋبليكالىق عارىشتىق بايلانىس ورتالىعى» ا ق باسقارما ءتوراعاسىنىڭ ورىنباسارى ۆاسيلي لەونوۆ پەن «يساتەل» ج ش ق ديرەكتورى ۋمەد تاگويەۆ قول قويدى.
«يساتەل» ج ش ق - «تەلەراديوكوم» ا ا ق ەنشىلەس ۇيىمى جانە تاجىكستانداعى بايلانىس وپەراتورى. ونىڭ دۋشانبە قالاسىندا ءوزىنىڭ تەلەپورتى جانە جەلىلىك باسقارۋ ستانتسياسى بار، ەلدىڭ مەملەكەتتىك ورگاندارى مەن جەكە كومپانيالارى ءۇشىن ينتەرنەتكە قول جەتىمدىلىكتى قامتاماسىز ەتەدى.
حالىقارالىق نارىققا شىعۋ - ەكى بايلانىس جەرسەرىگىنەن جانە جەرۇستى باسقارۋ كەشەندەرىنەن تۇراتىن، «Kazsat» عارىش جۇيەسىن ءساتتى باسقاراتىن قازاقستان رەسپۋبليكاسىنىڭ ۇلتتىق عارىشتىق بايلانىس وپەراتورى «ر ع ب و» ا ق ماڭىزدى مىندەتتەرىنىڭ ءبىرى. قازاقستاننىڭ جەرسەرىكتىك بايلانىس جۇيەسى ەلىمىزدىڭ بايلانىس قىزمەتتەرى قاجەتتىلىگىن تولىعىمەن قامتاماسىز ەتەدى.
«رەسپۋبليكالىق عارىشتىق بايلانىس ورتالىعى» اق قىرعىز رەسپۋبليكاسىنا دا عارىشتىق بايلانىس ونىمدەرىن جەتكىزەدى. تسيفرلىق يندۋستريا قىزمەتتەرىنىڭ ەكسپورتىن ۇلعايتۋ - بۇل مىندەتتى ەل پرەزيدەنتى قازاقستان حالقىنا جولداۋىندا مەملەكەت ەكونوميكاسىن دامىتۋدىڭ قۇرامداس بولىكتەرىنىڭ ءبىرى رەتىندە اتاپ ءوتتى. عارىشتىق بايلانىس سالاسىنداعى جاڭا حالىقارالىق شارتقا قول قويۋ «رەسپۋبليكالىق عارىشتىق بايلانىس ورتالىعى» ا ق ۇجىمىنىڭ كاسىبي جۇمىسىنىڭ ناتيجەسى بولىپ تابىلادى جانە قازاقستان رەسپۋبليكاسى مەن تاجىكستان اراسىنداعى ىنتىماقتاستىقتىڭ جاڭا دامۋ كەلەشەگىن اشادى.
