19:58, 18 - شىلدە 2022 | GMT +5
ايەلىنە ارا تۇسكەن چەمپيوندى پوليتسەيلەر اتىپ تاستاعان
نۇر-سۇلتان. قازاقپارات - يراننىڭ بوكستان چەمپيونى، ەلدىڭ ۇلتتىق قۇراماسىنىڭ بۇرىنعى مۇشەسى رەزا مورادحاني ايەلىن قورعايمىن دەپ سال بولىپ قالدى، دەپ حابارلايدى «چەمپيونات» پورتالى Shargh باسىلىمىنا سىلتەمە جاساپ.
وقيعا ساۋىردە بولعان ەكەن. بوكسشى ايەلىمەن سەرۋەندەپ كەلە جاتقان. وسى كەزدە قارسى الدارىنان شىققان پوليتسەيلەر ايەل ادام حيدجابىن دۇرىس كيمەدى دەپ ەسكەرتۋ جاساعان. مورادحاني ايەلىنە ارا تۇسكەن، سولاي جانجال تۋعان. وسىدان كەيىن پوليتسەيلەر بوكسشىنى ءتورت رەت اتقان.
سپورتشىنىڭ دەنەسىنىڭ ءبىر بولىگى سال بولىپ، ىستەمەي قالعان كورىنەدى. وتباسى بۇل جاعداي بويىنشا سوتقا ارىزدانعان، الايدا، سوت بۇل ءىستى قاراۋعا المادى. وسىدان كەيىن ولار وقيعانى ب ا ق- تا جاريا ەتىپ، ادىلدىك سۇراپ وتىر.
