بيىلعى بەس ايدا ەلدىڭ ەكسپورت كولەمى ارتقان
بۇل وتكەن جىلدىڭ سايكەس كەزەڭىمەن سالىستىرعاندا 40,7 پايىزعا كوپ، دەپ حابارلايدى قازاقپارات ءتىلشىسى ساۋدا جانە ينتەگراتسيا مينيسترلىگىنە سىلتەمە جاساپ.
مينيسترلىك مالىمەتىنشە، قاڭتار-مامىر ارالىعىندا ەلىمىزدىڭ ەكسپورت كولەمى 59,1 پايىزعا ءوسىپ، 34,2 ميلليارد دوللار بولعان. اتالعان ۋاقىت ىشىندە شيكى مۇناي ەكسپورتى - 91,2 پايىز، فەرروقورىتپالار - 61,1 پايىز، مىس جانە كاتودتار -25,3 پايىز، بيداي - 61,3 پايىزعا ارتقان. اتالعان تاۋارلار اسىرەسە يتاليا (5759,4 ميلليون دوللار)، قىتاي (5114,7 ميلليون دوللار) جانە رەسەيگە (2668,7 ميلليون دوللار) كوپ ەكسپورتتالعان.
ۆەدومستۆو حابارلاۋىنشا، بەس ايداعى يمپورت كولەمى دە 14,4 پايىزعا ءوسىپ، 17,1 ميلليارد دوللاردى قۇراعان. ونىڭ باسىم بولىگى دارىلىك زاتتار، مىس كەندەرى مەن كونتسەنتراتتارى جانە قارا مەتالداردان جاسالعان وزگە دە بۇيىمدار.
ەسكە سالا كەتەيىك، بۇعان دەيىن قازاقستاندىق درونداردى ەكسپورتقا شىعارۋ جوسپارلانىپ وتىرعانىن حابارلاعان ەدىك.
