زەلەنسكي بالا كەزىنەن بەرگى دوسىن وتستاۆكاعا جىبەردى
ۋكراينا پرەزيدەنتى ءوز شەشىمىن مەملەكەتتىك وزگەرىستەر، ۋكراينانىڭ كۇش قۇرىلىمدارى قىزمەتكەرلەرى مەن رەسەي فەدەراتسياسىنىڭ ارنايى قىزمەتتەرى اراسىنداعى بايلانىسقا قاتىستى قابىلدانعان «وتە ماڭىزدى ماسەلە» دەپ ءتۇسىندىردى.
«سوعىس جاعدايىنىڭ قۇقىقتىق رەجيمى تۋرالى» ۋكراينا زاڭىنىڭ 11-بابىنىڭ ەكىنشى بولىگىنە سايكەس يرينا ۆالەنتينوۆنا ۆەنەديكتوۆانى باس پروكۋرور قىزمەتىنەن بوساتۋ تۋرالى شەشىم قابىلدايمىن»، - دەلىنگەن جارلىقتا.
ۆەنەديكتوۆا بۇل قىزمەتتە 2020-جىلدىڭ ناۋرىز ايىنان بەرى، بۇعان دەيىن ول مىندەتىن اتقارۋشى بولعان.
ال باكانوۆ قارۋلى كۇشتەردىڭ قىزمەتتىك مىندەتتەرىن تيىسىنشە ورىنداماعانى ءۇشىن «ادام ولىمىنە نەمەسە باسقا دا اۋىر زارداپتارعا» اكەپ سوققان تارتىپتىك جارعىنىڭ 47-بابى بويىنشا قىزمەتىنەن بوساتىلدى.
باكانوۆ پەن ۆلاديمير زەلەنسكي بالا كەزدەن دوس. كريۆوي روگتا كورشى تۇرعان، ءبىر مەكتەپتە وقىعان. كەيىنىرەك ۆاديم گەتمان اتىنداعى كنەۋ كريۆوروجسك ەكونوميكالىق ينستيتۋتىندا بىرگە وقىعان.
باكانوۆ زەلەنسكيدىڭ سايلاۋ شتابىنىڭ باسشىسى، سونىمەن قاتار كۆارتال-95 ستۋدياسىنىڭ جەتەكشىسى جانە زاڭگەرى بولدى. ول 2019-جىلدىڭ تامىز ايىنان باستاپ قاۋىپسىزدىك كەڭەسىنىڭ باسشىسى قىزمەتىن اتقاردى، بۇعان دەيىن ول ءبولىم باسشىسىنىڭ ءبىرىنشى ورىنباسارى بولىپ جۇمىس ىستەگەن.
