قازاقستاندا تىيىم سالىنعان د ۆ ك ۇيىمىنىڭ ءۇش جاقتاۋشىسىنا ۇكىم شىعارىلدى
بۇل تۋرالى ق ر باس پروكۋراتۋراسى قىلمىستىق قۋدالاۋ قىزمەتى باسشىسىنىڭ ورىنباسارى ەلدوس قيلىمجانوۆ ءمالىم ەتتى، دەپ حابارلايدى قازاقپارات ءتىلشىسى.
«بۇعان دەيىن حابارلانعانداي، سول كۇندەرى جاپپاي تارتىپسىزدىكتەرگە قازاقستاندا تىيىم سالىنعان «د ۆ ك/ كوشە» ( دۆ ك) ەكسترەميستىك ۇيىمىنىڭ جاقتاۋشىلارى بەلسەندى قاتىستى. شىمكەنت قالاسىندا سوت ۇكىمىمەن وسى ۇيىمنىڭ ءۇش جاقتاۋشىسى 3 جىلعا باس بوستاندىعىنان ايىرىلدى»، - دەدى ەلدوس قيلىمجانوۆ ورتالىق كوممۋنيكاتسيالار قىزمەتىندە.
ونىڭ ايتۋىنشا، ولار جاپپاي تارتىپسىزدىكتەرگە قاتىسۋعا شاقىرعان. سونىمەن قاتار، اتالعان ءۇش ادام مەملەكەتتىك مۇلىككە زاقىم كەلتىرگەن.
بۇل ءىس بويىنشا سوت اكتىسى زاڭدى كۇشىنە ەنگەن جوق.
بۇدان بۇرىن حابارلانعانداي، قازىرگى كەزدە ارنايى پروكۋرورلاردىڭ ءىس جۇرگىزۋىندە جاپپاي تارتىپسىزدىكتەر بويىنشا 53 جانە تەرروريزم اكتىلەرىنە قاتىستى 32 قىلمىستىق ءىس بار.
مەملەكەتتىك وبەكتىلەردى ورتەۋ، مۇلىكتەردى جويۋ جانە تەرروريزم اكتىلەرى الماتى، شىمكەنت قالالارىندا، اقتوبە، اتىراۋ، الماتى، جامبىل، قىزىلوردا جانە شىعىس قازاقستان وبلىستارىندا جاسالعانى بەلگىلى بولدى.
