قازاقستاندىق جولاۋشى تاسىمالدايتىن ۇشاقتاردىڭ ءجيى كەشىگۋىنە بايلانىستى تەرگەۋ باستالدى

نۇر-سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ تەلەگرام كانالىندا ۇشاق جولاۋشىلارىنىڭ ارىز-شاعىمدارىنا جاۋاپ جازدى، دەپ حابارلايدى قازاقپارات.

«سوڭعى كەزدەرى ەل ىشىندەگى، سونداي-اق حالىقارالىق باعىتتار بويىنشا ۇشاتىن رەيستەرگە قاتىستى حات-حابارلامالار كوپتەپ ءتۇسىپ جاتىر. شىنىمەن، بۇگىنگى تاڭدا اۋە كولىگىندەگى جولاۋشىلار اعىنىنىڭ كۇرت ءوسۋى بايقالادى. بۇل ءوز كەزەگىندە رەيستەردىڭ كەشىگۋىنە اكەپ سوعىپ، وتانداستارىمىزدىڭ نارازىلىعىن تۋدىرىپ وتىر. ورىن العان بۇل ماسەلەنى جەدەل شەشۋ ماقساتىندا قازاقستاندىق اۋە تاسىمالداۋشىلارعا جاڭا ۇشاقتار ساتىپ الۋدى تاپسىردىم. وسىلايشا، جىلدىڭ سوڭىنا دەيىن جالپى سىيىمدىلىعى 2,5 مىڭ ورىندى قۇرايتىن 14 جاڭا اۋە كەمەسى پايدالانۋعا بەرىلەتىن بولادى».

ءمينيستردىڭ مالىمەتىنشە، «SCAT» اۆياكومپانياسى 9 ۇشاق، «Fly Arystan» - ءۇش جانە «Air Аstаnа « ەكى ۇشاقپەن تولىقتىرىلادى. بۇل شارالار تاسىمالداۋ سىيىمدىلىعىن ەداۋىر ارتتىرا تۇسپەك. نەگىزىندە، اۋە تاسىمالدارىنا قاتىستى سۇرانىس جىلدان جىلعا ارتىپ كەلەدى. سوندىقتان سۇرانىستى قاناعاتتاندىرىپ، رەيستەردىڭ كەشىگۋىن الدىن الۋ ءۇشىن قازاقستاندىق اۋە كەمەلەرى پاركى 2025 -جىلعا دەيىن 51 بىرلىككە ۇلعايادى.

«جالپى رەيستەردىڭ كەشىگۋ فاكتىلەرى بويىنشا ءتۇسىپ جاتقان شاعىمداردى ەسكەرە كەلە، مەنىڭ تاپسىرمام بويىنشا ق ر ي ي د م ازاماتتىق اۆياتسيا كوميتەتى مەن قازاقستاننىڭ اۆياتسيالىق اكىمشىلىگىندەگى ارىپتەستەرىم ءتيىستى تەرگەۋ امالدارىن باستاپ كەتتى. ەگەر جولاۋشىلاردىڭ قۇقىقتارىن بۇزۋ فاكتىلەرى انىقتالسا، ءتيىستى اۆياكومپانيالار اكىمشىلىك جاۋاپكەرشىلىككە تارتىلاتىن بولادى» دەپ ءتۇيدى ءسوزىن ق ر ي ي د م باسشىسى.