سايرامدا ورتەنىپ جاتقان عيمارات ۇستىنەن تۋدى العان جىگىتتىڭ ارەكەتى كوپشىلىكتى ءسۇيسىنتتى

تۇركىستان. قازاقپارات - سايرام اۋدانىندا ورتەنىپ جاتقان عيماراتقا شىعىپ، مەملەكەتتىك تۋدى العان جىگىتتىڭ ارەكەتى كوپشىلىكتى تامساندىردى، دەپ حابارلايدى قازاقپارات ءتىلشىسى.

ەرجۇرەك ازامات قانسەيىت مۇحاممەد - شىركىن اۋىلىنىڭ تۋماسى. قازىر سايرام اۋداندىق حالىقتى جۇمىسپەن قامتۋ ورتالىعىندا قىزمەت اتقارادى.

توتەنشە جاعداي تۇسىندا ول شۇعىل شەشىم قابىلداپ، ورتەنىپ جاتقان شاتىرعا شىققان. بۋداقتاعان ءتۇتىن ىشىندە تۇرىپ تۋدى الىپ، تومەندەگى ادامدارعا بەرگەن. قانسەيىتتىڭ بۇل ارەكەتىن جەرلەستەرى ۆيدەوعا ءتۇسىرىپ العان.

«جالپى سايرام اۋدانى اكىمدىگىنىڭ حالىقتى جۇمىسپەن قامتۋ ورتالىعى» ك م م-ى شامامەن 425 شارشى مەترىن ءورت شارپىدى. وقيعا ورنىندا 8 ءورت ءسوندىرۋ كولىكتەرى جانە 37 جەكە قۇرام جۇمىس ىستەدى. ءورت وقيعاسىنان زارداپ شەككەندەر جوق. ورتتەن كەلگەن ماتەريالدىق شىعىن مەن ءورتتىڭ شىعۋ سەبەبى انىقتالۋدا»، - دەيدى م. بايمبەتوۆ سايرام اۋدانى توتەنشە جاعدايلار باسقارماسىنىڭ باستىعى ازاماتتىق قورعاۋ پولكوۆنيگى.