تالدىقورعاندا مەكتەپ فورماسىنا قاتىستى داۋ شىقتى
اتا-انالاردىڭ ايتۋىنشا، وبلىس ورتالىعىنداعى كەيبىر مەكتەپ ديرەكتورى مەكتەپ فورماسىن بەلگىلى ءبىر وندىرۋشىدەن ساتىپ الۋعا ماجبۇرلەگەن. الايدا كيىمنىڭ ساپاسى باعاسىنا سايكەس كەلمەيدى.
«ديرەكتور وقۋشىلارعا وسى ءوندىرۋشىنىڭ فورماسىن العان، الماعاندارىن تىكەلەي تەكسەرەتىنىن ايتقان. دەمەك، ولاردىڭ ءوز ويلاعاندارى بار. ديرەكتور ايتقان فورمانىڭ باعاسى مەن ساپاسى ساي كەلمەيدى. تالدىقورعاندا جالاقى 60-70 مىڭ تەڭگە. سوندىقتان مۇنداي قىمبات فورمانى كەز كەلگەن اتا-انا الىپ بەرە المايدى. وتباسىندا ەكى نەمەسە ودان دا كوپ بالا مەكتەپكە بارسا، ولار نە ىستەيدى؟ مەكتەپتە وقۋ ەمەس فورما ماڭىزدى ما؟» - دەپ اشۋلاندى اتا-انالار.
اتا-انالاردىڭ ارىز-شاعىمدارىنا تالدىقورعان قالاسى ءبىلىم ءبولىمى جاۋاپ بەردى. مەكتەپكە بەكىتىلگەن ءبىرىڭعاي مەكتەپ فورماسىنىڭ ۇلگىسى بار، ءبىراق بەلگىلى ءبىر وندىرۋشىدەن ساتىپ الىڭدار دەپ ايتۋ دۇرىس ەمەس.
«مەكتەپ فورماسىنىڭ ءتۇسىن، ستيلىن جانە بەلدەمشە ۇزىندىعىن ورتا ءبىلىم بەرۋ ۇيىمى مەن مەكتەپ كەڭەسى، قامقورشىلىق كەڭەس جانە اتا- انالار كوميتەتى بەلگىلەيدى. بۇل رەتتە مەكتەپ فورماسىن شىعاراتىن جەكەلەگەن وندىرۋشىلەرگە ارتىقشىلىق بەرۋگە جول بەرىلمەيدى. ءوندىرۋشىنى تاڭداۋدا جانە مەكتەپ فورماسىن ساتىپ الۋدا اتا-انالار تاۋەلسىز»، - دەپ ءتۇسىندىردى ۆەدومستۆو وكىلى.
