ورالدا جانتۇرشىگەرلىك جول اپاتى بولدى: سەگىز ادام قازا تاپتى

نۇر-سۇلتان. قازاقپارات - ورالداعى اينالما جولدا جول اپاتى بولىپ، سەگىز ادام قازا تاپتى.

قازا بولعانداردىڭ اراسىندا ەكى بالا بار، - دەپ حابارلايدى Tengrinews.kz ءتىلشىسى «موي گورود» باسىلىمىنا سىلتەمە جاساپ.

جول اپاتى 18-شىلدەدە ساعات 02.45-تە VenOil جانارماي بەكەتىنە قاراما-قارسى جەردە بولعان. ورال قالالىق پوليتسيا باسقارماسى جەرگىلىكتى پوليتسيا ءبولىمى باستىعىنىڭ ورىنباسارى كونستانتين نەپەكيننىڭ ايتۋىنشا، Nissan (كولىكتە تەك جۇرگىزۋشى بولعان) مەن Lada (كولىكتە بەس ەرەسەك جانە ەكى بالا بولعان) كولىكتەرى سوقتىعىسقان.

«Nissan جۇرگىزۋشىسى قارسى قوزعالىس جولاعىنا شىعىپ كەتىپ، Lada-مەن سوقتىعىسقان. وقيعا ورنىندا بەس ادام قازا بولدى، ۇشەۋى اۋرۋحاناعا ءتۇستى»، - دەدى كاپيتان نەدوپەكين.

كەيىنىرەك اۋرۋحانادا Nissan جۇرگىزۋشىسى، 10 جانە 13 جاستاعى ەكى بالا دا قازا بولعانى حابارلاندى.

وقيعا ورنىندا پوليتسەيلەر جول اپاتىنىڭ سەبەبى مەن ءمان-جايىن انىقتاپ، جۇمىس ىستەپ جاتىر.