قايرات ساتىبالدى مەن قايرات بورانبايەۆتىڭ زاڭسىز اقشالارى تۋرالى جاڭا دەرەك پايدا بولدى

نۇر-سۇلتان. قازاقپارات - ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا سىرتقا زاڭسىز شىعارىلعان اكتيۆتەردى ەلگە قايتارۋ باعىتىندا اتقارىلعان شارۋالار تۋرالى رەسمي مالىمەت بەردى، دەپ حابارلايدى قازاقپارات ءتىلشىسى.

«كوميسسيا ەكونوميكالىق رەسۋرستاردى زاڭسىز شوعىرلاندىرۋعا قارسى ءىس- قيمىل ماسەلەلەرى بويىنشا تەرگەپ- تەكسەرۋ ورگاندارىنىڭ كۇش- جىگەرىن ۇيلەستىرۋدى قامتاماسىز ەتۋدە. ءىرى مولشەردە، ونىڭ ىشىندە شەتەلدە قىلمىستىق كىرىستى زاڭداستىرۋ بەلگىلەرى بار نەعۇرلىم رەزونانستىق ىستەردى تەرگەپ- تەكسەرۋ ەرەكشە باقىلاۋدا. بۇل ق. ساتىبالدى ۇلىنا، گ. ساتىبالدىعا، ق. بورانبايەۆقا، «و ك م» ج ش س وپەراتورىنىڭ باسشىلارىنا قاتىستى جانە باسقا ىستەر. قازىرگى ۋاقىتتا تەرگەپ- تەكسەرۋ ورگاندارى قابىلداعان شارالارمەن شامامەن 230 ميلليارد تەڭگە، ونىڭ ىشىندە ولاردى شەتەلدىك يۋريسديكتسيالاردان قايتارۋ جولىمەن وتەلدى»، - دەپ جازىلعان كوميسسيانىڭ مالىمەتىندە.

سونداي-اق، سىبايلاس جەمقورلىققا قارسى قىزمەت تەرگەپ- تەكسەرىپ جاتقان ءىس بويىنشا ايىپتالۋشىلار ليۋكسەمبۋرگتەن 170 ميلليون ا ق ش دوللارىن ءوز ەركىمەن قايتارعانى ايتىلعان.

«تەرگەپ-تەكسەرۋ ورگانى «قازاق تەلەكوم» ا ق، «كولىكتىك سەرۆيس ورتالىعى» ا ق جانە باسقا مۇلىكتى جىمقىرۋ ىستەرى بويىنشا شامامەن 36 ميلليارد تەڭگەنى وتەتتى. و ك م وپەراتورى ءىسى بويىنشا شامامەن 180 ميلليارد تەڭگەنى جىمقىرۋدىڭ جولى كەسىلدى («و ك م» ج ش س شوتىنان «جاسىل دامۋ» ا ق-نىڭ (مەملەكەتتىك ۇيىم، «و ك م وپەراتورى» ج ش س اكسيالارىنىڭ %100- ىنا يەلىك ەتەدى) شوتىنا اۋدارىلدى)، ونىڭ شامامەن 100 ميلليارد تەڭگەسى جەڭىلدىكتى اۆتونەسيەلەۋگە باعىتتالدى»، - دەلىنگەن رەسمي اقپاراتتا.

اۆتور: ەسىمجان ناقتىباي