گولوۆكين «كانەلومەن» ءۇشىنشى ايقاستىڭ قاۋپى تۋرالى ايتتى
بۇل تۋرالى قازاقپارات Sports.kz پورتالىنا سىلتەمە جاساپ حابارلايدى.
GGG بولجام جاساۋدان باس تارتتى، دەگەنمەن، وقيعانىڭ ماڭىزدىلىعىن اتاپ ءوتتى.
«ءبىزدى قانداي دا ءبىر ۇلكەن وزگەرىس كۇتىپ تۇر دەپ ويلامايمىن، سەبەبى ول «كانەلو» بولىپ، مەن GGG بولىپ قالامىن. ءبىز سول باياعى ادامدارمىز. كەلەسى جەكپە- جەك ءبىز ءۇشىن وتە قىزىق، ول وزدىگىنشە تاريحي وقيعا - بوكستاعى ءىرى ايقاس، ءۇشىنشى جەكپە- جەك. ءبارى كۇتىپ وتىر دەپ ويلايمىن. ەكەۋمىزدىڭ دە ءوز ءادىس- ءتاسىلىمىز بار، ايقاس قالاي اياقتالاتىنىن بولجاۋ قيىن. بۇل جەكپە- جەكتىڭ قاۋپى - قازىر باسقا جاعداي، باسقا ەموتسيا جانە باسقا جاستامىز. جانكۇيەرلەر ءۇشىن ۇلكەن سىي بولادى دەپ ۇمىتتەنەمىن. قازىر ءوز بابىمدامىن. جاتتىقتىرۋشىم دجوناتون بەنكس ماعان كومەكتەستى. مەن بولجام جاساي المايمىن. بۇل بوكس. ەكەۋمىز دە %100 دايىنبىز. بۇل ءبىز ءۇشىن ۇلكەن ايقاس. ءبىراق، بۇل ايقاس مەن ءۇشىن قاراپايىم جەكپە- جەك، سەبەبى مەن ونى جاقسى بىلەمىن، ول دا مەنى جاقسى تانيدى. مۇنداي دەڭگەيدەگى ءار ايقاس اسا ماڭىزدى. مەن دە ول سياقتى ءوز جۇمىسىما %100 بارىمدى سالىپ جاتىرمىن»، - دەدى گولوۆكين FOX Deportes-كە بەرگەن سۇحباتىندا.
