14:16, 16 - شىلدە 2022 | GMT +5
ساۋد ارابياسى اۋە كومپانيالار ءۇشىن اۋە كەڭىستىگىن اشادى
نۇر-سۇلتان.قازاقپارات - ساۋد ارابياسىنىڭ بيلىگى بارلىق اۋە كومپانيالارى ءۇشىن ءوزىنىڭ اۋە كەڭىستىگىن اشادى. باستى تالاپ ەلدىڭ ازاماتتىق اۆياتسيا باسقارماسى قويعان حالىقارالىق كونۆەنسياعا سايكەس تالاپتارعا باعىنۋ كەرەك.
رەيتەر اقپارات اگەنتتىگىنىڭ حابارلاۋىنشا، اۋە قاتىناسى يزرايلمەن دە جاندانادى. سونىمەن قاتار قاجىلىققا باعىت العاندار ءۇشىن چارتەرلىك رەيستەر ۇيىمداستىرىلماق. بۇعان دەيىن بۇل ەلمەن قاتىنايتىن كوپتەگەن رەيستەر ساۋد ارابياسىنىڭ اۋە كەڭىستىگىنە كىرە المايتىن. سالدارىنان جانارمايعا كەتەتىن شىعىن ەداۋىر ارتىپ كەتتى. تەك ارنايى اۋە ءدالىزى ارقىلى بىرىككەن اراب امىرلىكتەرى مەن باحرەينگە ۇشاتىن رەيستەر عانا جولعا شىعاتىن. ال يزرايلدەن ازيا ەلدەرىنە، ونىڭ ىشىندە قىتاي مەن ءۇندىستانعا ۇشاقتار ۇشا المايتىن.
www.24.kz
