قازاقستان ب ۇ ۇ بەلگىلەگەن تۇراقتى دامۋ ماقساتتارىن قالاي ىسكە اسىرىپ جاتىر

نيۋ- يورك. قازاقپارات - بىرىككەن ۇلتتار ۇيىمى الاڭىندا ق ر ۇلتتىق ەكونوميكا ءمينيسترى الىبەك قۋانتىروۆ تۇراقتى دامۋ ماقساتتارىن ىسكە اسىرۋ بويىنشا ەكىنشى ەرىكتى ۇلتتىق شولۋدى تانىستىردى، دەپ حابارلايدى قازاقپارات.

ۇ ە م باسشىسى اتاپ وتكەندەي، قازاقستان تدم ىسكە اسىرۋدىڭ ينستيتۋتسيونالدىق بازاسىن قالىپتاستىرۋعا جانە دامىتۋعا ەرەكشە كوڭىل بولەدى.

ەلدە مەملەكەتتىك جوسپارلاۋ جۇيەسى تۇراقتى دامۋ ماقساتتارىنىڭ 262 ۇلتتىق ينديكاتورىن ەسكەرە وتىرىپ، ىسكە اسىپ جاتىر.

ءمينيستردىڭ ايتۋىنشا، ق ر ورتالىق ازيادا ەڭ العاشقى بولىپ دامۋدى قارجىلاندىرۋدى باعالاۋ بويىنشا جۇمىس جۇرگىزدى.

باعالاۋ مەملەكەتتىك بيۋدجەت تۇراقتى دامۋدى قارجىلاندىرۋدىڭ نەگىزگى كوزى بولىپ قالا بەرەتىنىن كورسەتتى.

سونىمەن قاتار، جەكە مەنشىك سەكتور قارجىلاندىرۋدى ۇلعايتۋ ءۇشىن ۇلكەن الەۋەتكە يە.

«ت د م (تۇراقتى دامۋ ماقساتتارى) ىسكە اسىرۋ كەزىندە ءبىز «ەشكىمدى ارتتا قالدىرماۋ» ماڭىزدى قاعيداتىن باسشىلىققا الىپ وتىرمىز. اركىمنىڭ پىكىرى ەستىلگەن ءجون. ەل ءۇشىن باسىم تدم- دى تالقىلاۋعا جانە ايقىنداۋعا مەملەكەتتىك بيلىك ورگاندارىنىڭ، ازاماتتىق قوعامنىڭ، قوعامدىق بىرلەستىكتەردىڭ، حالىقارالىق ۇيىمداردىڭ وكىلدەرى، سونداي- اق جاستار مەن حالىقتىڭ باسقا دا توپتارى تارتىلادى»، - دەدى ءا. قۋانتىروۆ.

تۇراقتى دامۋ ماقساتتارىنىڭ كەلەسى باعىتتارى باسىم بولىپ بەلگىلەندى: «كەدەيلىكتى جويۋ»، «جاقسى دەنساۋلىق جانە اماندىق»، «تازا سۋ مەن سانيتاريا» جانە «لايىقتى جۇمىس پەن ەكونوميكالىق ءوسۋ».

بۇدان باسقا، قازاقستاندا ەكونوميكالىق ءوسىمدى قالپىنا كەلتىرۋدىڭ كەشەندى جوسپارى ىسكە اسىرىلدى.

قابىلدانعان شارالاردىڭ ناتيجەسىندە 2021 -جىلدىڭ قورىتىندىسى بويىنشا ۇلتتىق ەكونوميكانىڭ جالپى ىشكى ءونىم ءوسىمى %4 عا جەتىپ، جوسپارلى قالپىنا كەلدى.

«2022 -جىلدىڭ العاشقى 6-ايىندا ەلىمىزگە ينۆەستيتسيا اعىنى وتكەن جىلدىڭ سايكەس كەزەڭىمەن سالىستىرعاندا%2,6 عا ارتتى. حالىقارالىق رەزەرۆ 86,6 ميلليارد دوللاردى قۇرادى»، - دەپ ناقتىلادى مينيستر.

بۇل رەتتە جاسىل باستامالارعا دا ەرەكشە كوڭىل بولىنەدى. حالىقارالىق ستاندارتتارعا سايكەس كەلەتىن جاڭا ەكولوگيالىق كودەكس قابىلداندى.

قالالاردا سۋمەن جابدىقتاۋ وبەكتىلەرىنە قولجەتىمدىلىك %98,1 عا، اۋىلدىق جەرلەردە %93 عا جەتتى.

«2060 -جىلعا دەيىن كومىرتەگى بەيتاراپتىقا قول جەتكىزۋ ستراتەگياسى ازىرلەنىپ جاتىر، ول قورشاعان ورتاعا زالالدى ايتارلىقتاي تومەندەتۋگە مۇمكىندىك بەرەدى. تۇراقتى دامۋ قاعيداتتارى ESG ستاندارتتارى نەگىزىندە ستراتەگيالار مەن بيزنەس- مودەلدەرگە بىرتىندەپ ەڭگىزىلىپ جاتىر»، - دەپ حابارلادى ۇەم باسشىسى.

قازاقستان ءوز الدىنا 2025 -جىلعا قاراي شيكىزاتتىق ەمەس ەكسپورتتىڭ ۇلەسىن %45,7 دەڭگەيىندە قامتاماسىز ەتۋ، ەڭبەك ونىمدىلىگىن %20,6 ارتتىرۋ، بالامالى جانە جاڭارتىلاتىن ەنەرگيا كوزدەرىن پايدالانۋدى 2050 -جىلعا قاراي %50 دەيىن ۇلعايتۋ جانە كومىر تۇتىنۋدى بىرتىندەپ ازايتۋ مىندەتتەرىن قويىپ وتىر.